Isaiah 11:3 - Tedim Bible

³ Amah in Topa’ nasep nuamsa ding hi. Amah in a tungtham bek muhna tawh thu khen lo ding a, kam lengsawn bek zakna tawh thu khentat lo ding hi.

Tedim Bible Revision 2017

³ Amah in Topa’ nasep nuamsa ding hi. Amah in a tungtham bek muhna tawh thu khen lo dinga, kam leng sawn bek zakna tawh thu khensat lo ding hi.

Isaiah 11:3 Referans Kwoze

Johan 7:24

A tungthama kimu nate siksanin thu khen kei unla, thu taktak siksanin thu khenzaw un,” a ci hi.

Luka 2:52

Jesuh a pumpi le a pilna khang a, ama gamtatna in Pasian le mite a lungkimsak semsem hi.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingte’ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Paunak 2:5

Tua hileh, Topa zahtakna thu na thei ding a, Pasian na theitel ding hi.

Hebru 5:14

Ahi zongin antak i cih pen a sia le a pha a khenthei, a lim le a lim lo a khentheita, a khangham khinsa mite a’ ding ahi hi.

1 KUMPI MASATE 3:28

Tua ciangin Israel mi khempeuh in kumpipa’ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in a om uh hi.

Paunak 2:9

Tua hileh thuman le thutang a hoih le a kilawm na thei ding hi.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasempa hong pia in. Bang hang hiam cih leh hih a lian a tam na mite kua in ukzo ding ahi hiam?” a ci hi.

2 SAMUEL NIHNA 14:17

Na nasemnu in, ‘Ka to kumpipa’ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa pen a pha le a sia a khenthei dingin Pasian’ vantungmi tawh kibang hi. Topa na Pasian in nang hong ompih ta hen!” a ci hi.

Johan 2:25

Amah in mite’ lungsimtawng dong thei ahih manin mite a bangci mi ahi hiam cih thu midangte in ama kiangah a gen ding kisam lo hi.

JOB (Job) 34:3

An na ciap uh ciangin a lim a lim lo na thei uh hi. Thu kigen na zak uh ciangin pil kampau le hai kampau na khenthei uh hi.

JOB (Job) 12:11

Leii in an a ciap mah bangin, bil in ngai thei hi lo ahi hiam?

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Ezekiel 45:8

Hih munteng pen Israel gam sung panin Israel uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a omlaiteng khempeuh, a minam zui-in Israel minamte a tangsak ding uh hi.

Micah 4:3

Amah in minam tampite’ thu khensak ding a, Israel gam panin a gamla pekah a om, minam vangliante’ thu khensak ding hi. Amaute in a namsaute uh lokhawhna tu-in seek ding uh a, a teipite uh singhiang heuhna temkawi-in seek ding uh hi. Minam khatlekhat kido nawn lo ding uh a, galkidona theikha nawn lo ding uh hi.

2 SAMUEL NIHNA 14:8

Tua ciangin kumpipa in tua numei kiangah, “Na inn-ah ciah in; nang tawh kisai-in thu ka pia ding hi,” a ci hi.