Isaiah 11:13 - Tedim Bible

¹³ Efraim in hazatna lungsim a neihnate bei ding a, Judah mi a galbawlte kisusia ding hi. Efraim in Judah haza nawn lo ding a, Judah in zong Efraim galbawl lo ding hi.

Tedim Bible Revision 2017

¹³ Efraim in hazatna lungsim a neihnate bei dinga, Judah mi a galbawlte kisusia ding hi. Efraim in Judah haza nawn lo dinga, Judah in zong Efraim galbawl lo ding hi.

Isaiah 11:13 Referans Kwoze

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uh’ luah dingin ka piaksa gamah a paikhawm ding uh hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna damzo nai lo a, ama khut kizanlai hi.

Jeremiah 33:24

“Hih mite in, Topa in a teelsa Israel le Judah minam tegel a nusia ta hi, ci-in a gen uh thei kha lo na hi hiam? Tua bangin amaute in ka mite simmawh uh a, amau’ muhna-ah minam khatin a sim nawn kei uh hi.

Jeremiah 50:4

“Topa in kong cihin-ah, tua ni tua hun ciangin Israel mite le Judah mite kap kawmin hong paikhawm ding uh a, Topa a Pasian uh hong zong ding uh hi.

Ezekiel 28:25

Topa Pasian in kei kiangah, “Minam tuamtuamte lakah ka thehthangna panin Israel mite ka kaikhawm kik ding a, kei pen a siangthopa ka hihna thu minam khempeuh in hong thei ding uh hi. Tua ciangin ka nasempa Jakob ka piak leitang ahi amaute’ gam sungah Israel mite a teng ding uh hi.