Isaiah 11:11 - Tedim Bible

¹¹ Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Tedim Bible Revision 2017

¹¹ Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 11:11 Referans Kwoze

Micah 7:12

Nisuahna lam Assiria gam pan hitaleh, leitaw lam Egypt gam pan hitaleh, a gamlapi tuipi khen’ pan le a gamlapi mualte- mun khempeuh panin na mite uh hong ciahkik ding uh hi.

ROM (Romans) 11:26

Tua hi a, Lai Siangtho sungah a kigelh mah bangin Israel mite khempeuh in hotkhiatna ngah ding uh hi. Lai Siangtho in, “Zion panin Honpa hong pai ding a, Jakob’ suanlekhakte sunga om gitlohna khempeuh maisak ding hi.

Isaiah 10:20

Tua ni a kipan Israel a omlaite, Jakob innkuan a suakta laite in amau a sugawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Hosea 11:11

Egypt gam panin vasa bangin lawptakin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tunpih kik ding hi, Topa in ci hi.

Isaiah 66:19

amaute’ lakah lim khat ka khai ding hi. Amau’ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Isaiah 24:15

Nisuahna lama om mite in Topa phat ding uh hi. Tuipi dunga teng mite in Topa, Israel-te’ Pasian phat ding uh hi.

Isaiah 10:9

Kalno khuapi pen Karkhemish khuapi tawh kibang hi lo ahi hiam? Hamath khuapi pen Arpad khuapi tawh kibang hi lo ahi hiam? Samaria khuapi pen Damaskas khuapi tawh kibang hi lo ahi hiam?

Piancilna 11:2

Amaute, nisuahna lamah lal uh a, Shinar gam sungah zanglei mun khat mu-in tua lai-ah a teng uh hi.

Piancilna 10:22

Shem’ tapate: Elam, Asshur, Arpakshad, Lud, le Aram ahi hi.

Piancilna 10:10

Ama kumpi gam kipatna Babel, Erek, le Akkad hi a, tuate khempeuh Shinar gam sungah om hi.

2 KORIN NIHNA 3:16

Ahi zongin Lai Siangtho in, “Topa’ mai-ah Moses a pai ciangin a kiliahna puan a lakhia hi,” a cih mah bangin Topa lamah mi khatpeuh a kihei ciangin a liah puan kilakhia hi.

ROM (Romans) 11:15

Amaute a kinialna hangin Pasian tawh leitung mi khempeuh kipawl theihna piang ahihleh amaute a kisan’ hun ciangin a sisate nangawn a hinkikna hong hita ding hi.

Zekhariah 9:2

Hadrak tawh a kigizawng Hamath zong, Topa-a’ mah hi a, siamna a nei Taia khuapi le Sidon khuapite zong, ama a’ mah ahi hi.

Zekhariah 5:11

amah in, “Biakinn khat a lamsak dingin Babylon gamah a leenpih ding ahi uh hi. Biakinn a lamsak uh a zawh uh ciangin, biak dingin tua ciangpi kikoih ding hi,” ci-in a hong dawng hi.

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Daniel 11:18

Tua khit ciangin tuipi tungtawnin minam dangte sim ding a, tampi tak mah a zo ding hi. Ahih hangin gamdang makai khat in amah zogawp ding a, a minthanna teng a beisak ding hi.

Daniel 8:2

Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei-ah ka ding hi.

Ezekiel 30:14

Egypt gam khanglam Pathros gamteng gamkhing ka suaksak ding a, Egypt gam saklamah a om Zoan khuapi ka hal ding a, kumpi khua ahi Thebes, gim ka pia ding hi.

Ezekiel 27:6

Nangmah hawh nadingin Bashan tawsaw singte la uh a, Grik tuikulh panin a kila taaksante tawh na sual ding bawl uh a, saiha pak tawh nang hong zem uh hi.

Jeremiah 49:23

Damaskas khua tawh kisai-in Vanglian Topa in a genin-ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Jeremiah 44:1

Egypt gam Migdol khua, Tahpanhes khua, Memfis khua, le leitaw lama teng Jew mite tawh kisai-in Topa in thu hong gen a,

Jeremiah 31:10

“Aw, gamdangte aw, Topa’ kammal ngai unla, gamlapi, tuipi gei-a omte kiangah va gensawn un. ‘Israel mite a kithehthang sakpa in kaikhawm kik ding a, tuucingpa in a tuute a kep bangin a kem ding hi,’ va ci un.

Jeremiah 25:25

Zimri kumpite khempeuh, Elam kumpite khempeuh, le Media kumpite khempeuh;

Isaiah 45:14

Topa in Israel tungah, “Egypt’ hauhna le Ethiopia sumbuk vante le a tun a sang Seba mite nangma kiangah hong pai-in nangma a’ hong hi ding uh a, amaute in nang hong zui ding uh hi. Amaute sikkhau kibulhsa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian omkhawm a, kuamah dang om loin, amah simloh pasian dang om lo hi,’ hong ci ding uh hi.

Isaiah 42:12

Topa’ minthanna gensak unla, tuipi gei-a gamte-ah amah phatna gensak un.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Isaiah 11:16

Egypt gam panin Israel-te hong paitoh ciangin amau a dingin lam lianpi khat a om mah bangin, ama mi a omlaite a dingin Assiria gam panin zong lam lianpi khat om ding hi.

Late 68:22

Topa in hih bangin ci hi: “Note in sisan sungah na khe uh silin, na uite un galte’ sisan a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Piancilna 14:1

Shinar kumpipa Amrafel, Ellasar kumpipa Ariok, Elam kumpipa Khedorlaomer, le Goiim kumpipa Tidal-te’ hun lai-in,

Esther 10:1

Kumpipa Ahasueras in a ukna gam leitung le tuikulh tunga tengte tung panin siah kai hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 19:21

Topa in Egypt mite tungah amahmah kitheisak ding hi. Tua ni ciangin Egypt mite in Topa thei-in biakpiakna le meihal biakna tawh bia ding uh a, amaute in Topa’ tungah thuciamna bawlin, tua thuciamnate sem ding uh hi.

Isaiah 19:22

Topa in Egypt mite sat ding a, ahi zongin damsakkik ding hi. Topa’ lamah amaute kihei kik ding uh a, amah in amaute’ thumna donin amaute a damsak ding hi.

Isaiah 37:31

Tua ciangin, Judah minam sung panin a suaktalai mite in singkung bangin zung khasuk kikin, gah na gahto kik ding uh hi.

Ezekiel 29:14

amaute’ piancilna mun Egypt gam khanglam Pathros gamah ka tengsak ding hi. Tua lai-ah kumpi gam ginaloin om ding uh a,

Ezekiel 32:24

“Elam zong, a kimkotah a galkapte’ han tawh, tua lai mahah om hi. Amaute khempeuh gal sungah a si uh hi a, misite’ gam Leinuai-ah Pasian a thei loin paisuk uh hi. A hin lai-un mi khempeuh a lausak ngeite hi uh a, ahi zongin tu-in amaute si-in mindai-in a om uh hi.

Ezekiel 38:8

Minam tuamtuamte lak panin kikaikhawm kikin a gam uh a kitutkik zawh gallauna nei loin a om Israel mite’ gam a sim dingin kum tampi khit ciangin kong sawl ding hi. Sauveipi sung kinusia-in gamkhing a suak ngei hinapi-in, tu-in a mite khempeuh lungmuang takin a omna Israel mualtung gamte a sim ding na hi hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Piancilna 2:13

A nihna gun min Gihon hi a, Kush gam kimkotah a luang pen ahi hi.

Thu-hilhkikna 9:29

Bang hang hiam cih leh amaute pen na vangliatna le na thahatna tawh na paikhiatpih na mihingte le na luahte ahi hi,’ ka ci hi.

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath, le Sefarvaim panin mite paipih a, Israel mite’ tangin Samaria khuapite-ah amaute a koih hi. Amaute in Samaria gam luahin a khuapite-ah teng uh hi.

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Isaiah 22:6

Sakol leengte le sakol tung tuangte tawh Elam galkapte in thallawng pua uh a, Kir galkapte in a lumte uh a baihsa-in nei uh hi.

Isaiah 49:12

Ka mite a gamlapi panin hong pai ding uh a, leilu lam gam le nitumna lam gamte panin amaute hong pai-in, pawlkhatte, leitaw lam Siene gam panin hong ciah ding uh hi,” a ci hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawhtai ding uh hi.

Zekhariah 8:7

Nisuahna le nitumna gamte panin ka mite ka honkhia ding a,