Isaiah 11:1 - Tedim Bible

¹ Jessi’ phung sung panin a sel khat hong khangkhia ding a, a zungte panin a no khat hong khang ding hi.

Tedim Bible Revision 2017

¹ Jessiʼ phung sung panin a sel khat hong khang khia dinga, a zungte panin a no khat hong khang ding hi.

Isaiah 11:1 Referans Kwoze

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuhah amah cithei ding a, Topa’ biakinn lamkik ding hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte lakhia-in a laizial phelthei ding hi,” a hong ci hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai-ah khangto lel hi. Eite’ et dingin amah in lim le deihhuaina mel bangmah nei lo a, eite’ deih dingin hoihna nei lo hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

ROM (Romans) 15:12

tua ciangin Isaiah in, “Jessi’ suante khat hong khang ding a, Gentail mite a uk dingin milian hong suak ding a, ama hangin Gentail mite in lamet lungmuanna nei ding uh hi,” cihnate a kigelh hi.

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi. Minamte in amah zong ding uh a, ama omna mun minthang mahmah ding hi.

1 SAMUEL MASA 17:58

Saul in ama kiangah, “Tangvalpa aw, kua’ tapa na hi hiam?” a ci hi. David in dawngin, “Bethlehem khuami na nasempa Jessi’ tapa ka hi hi,” a ci hi.

Ruth 4:17

A veng nupite in a min phuak uh a, “Naomi’ sung pan tapa khat suak,” a ci uh hi. Amaute in a min Obed phuak uh hi. Amah pen Jessi’ pa hi a, Jessi pen David’ pa ahi hi.

Mattiu 1:1

Abraham’ suan David, David’ suan Jesuh Khrih’ khang ciaptehna hih bang ahi hi.

Hebru 7:14

I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Isaiah 6:13

Mi sawm ah khat bang a omlai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasian’ mite a kipatthakna ding lahna lim ahi hi.)

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Ezekiel 37:25

A pu a pate uh a tennasa ahi ka nasempa Jakob tungah ka piak leitangah amaute teng ding uh a, amaute bek hi loin a suan a khak dongun tengsuak ding uh hi. Ka nasempa David in amaute uk tawntung ding hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

1 KHANG TANGTHU MASATE 2:12

Boaz pen Obed’ pa, Obed pen Jessi’ pa ahi hi.

Late 145:11

Amaute in na kumpi gam a minthanna thu gengenin na vangliatna thu sutsut ding uh a,

Ezekiel 17:22

Tua ciangin Topa Pasian in, “Keimah in taamtak sangpi a dawn khat la-in, a dawnngek khat ka satkhia ding a, mual sangpi dawn khatah ka suan ding hi.