Isaiah 10:6 - Tedim Bible

⁶ Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Tedim Bible Revision 2017

⁶ Keima thu a ngaihsun lo minam le kei a hong hehsak miteʼ neihsa sutin laksakin, amaute pen kong lak buannawng bangin a tuancil dingin amaute sawlin thu ka pia hi.

Isaiah 10:6 Referans Kwoze

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Zekhariah 10:5

Kongzing buannawng lakah a galte uh a tuancilgawp galkapte bangin amaute gualzo ding uh a, Topa in a ompih manin amaute in gal a sim uh ciangin a galte’ sakol galkapte zogawp ding uh hi.

Jeremiah 34:22

En un, Topa in kong cihin-ah, keimah in thu ka pia ding a, hih khuapi-ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuama’ ten lohna mun awng ka suaksak ding hi,” a hong ci hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Isaiah 19:17

Judah gam pen Egypt mite’ kihtak hong suak ding hi. Vanglian Topa in amaute gimpiak ding a ngimna hangin, hih thu a kigenna mi khempeuh lau ding uh hi.

Mattiu 15:7

Na tungthamun mihoih a kineihkhem mite aw, Isaiah in note’ thu a genna man mahmah hi. Tua a genna-ah,

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Jeremiah 3:10

Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amaute’ sisan leilakah ka thehthang hi.

Isaiah 63:3

Mite lak panin kuamah in kei hong huh lo a, keimah guak in leenggah cil bangin minam dangte ka cil hi. Sinsona tawh amaute ka cil a, hehna tawh amaute ka tuancil hi. Ka puan tungah amaute’ si hong kithehgawp a, ka puan khempeuh tungah sisan hong baang khin hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Isaiah 22:5

Bang hang hiam cih leh Vanglian Topa Pasian in Maangmuhna Kuam sungah buaina le tuatcil gawpna, kitawhzauna, kulhte suksiat gawpna le mualte tungah kikona hong tungsak hi.

Isaiah 9:19

Vanglian Topa’ hehna hangin meikuang bangin gam sung kang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Isaiah 5:29

Amaute’ kikona pen humpinelkai hawk bang a, humpinelkai khanglaite bangin amaute a hawk uh hi. Amaute humhamin a sa nek ding uh man uh a, amaute in puakhia-in kuamah in honkhia zo lo hi.

2 SAMUEL NIHNA 22:43

“Leivui bangin amaute ka satvui a, kongzing buante bangin amaute tuankhamin ka sikcipsuk hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka lakhia ding a, kinemang ding hi. A gawl ka susia ding a, kituancil ding hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vatgawp a, mualte a kiling hi. Amaute’ luanghawmte kongzing lampite-ah nin bangin a om hi. Hih bang teng hangin zong a hehna damzo nai loin ama khut kizanlai hi.

Isaiah 7:17

Efraim mite pen Judah mite’ kiang panin a paikhiat hun a kipan nidangin a piang ngei lo thu, Assiria kumpipa pen nang le na mite le na pate’ inn-ah Topa in hong tungsak ding hi.

Isaiah 8:8

Judah gam dong hong nawtsuk ding a, dimletin paisuakin, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Isaiah 32:6

Bang hang hiam cih leh mihai in haina thu gen a, a hoihin gamtat loh ding, Topa’ thu a hoih lopi-in gen ding, a gilkialte’ an duhna a phat loh nading le a dangtakte in tui dawn ding a neih theih loh nadingin, ama lungsim in mawhna bawl ding a sawm hi.

Isaiah 33:1

Hong kisusia nai lo, mi a susiapa aw, tu-in gimna a ngah ding na hita hi. Kuamah in hong khem nai loh, mi khem pa aw, tu-in gimna a ngah ding na hita hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 49:17

“Nang a hong lam mite in nang a hong susiate nuaisiah khinta uh a, nang hong siasakte nang kiang panin taikhia khinta uh hi.

Isaiah 49:25

Topa in, “A thahatpa’ mat salte kilakhia ding a, a thukhauh pa’ na kilakhia ding hi. Nang hong dem mite keimah in ka dem ding a, na tate ka honkhia ding hi.

Ezekiel 29:20

A galkapte in keima a dingin na hong sepsak uh ahih manin, ama hong nasepsak ka thuhna-in ama tungah Egypt gam a pia ka hi hi. Topa Pasian ahi keimah in hih thu ka gen khin hi.

Ezekiel 38:12

A sia ngeisa khuapite sungah a teng mite luhin a nate uh na sutgawp ding hi. Tua mite pen minam tuamtuamte lak panin a kikaikhawm kik, tu-in ganhing le neihsa van zong nei kikin, leitung lam khempeuh a kituahna lamkabom sanah a teng mite ahi uh hi.

Ezekiel 38:13

Sheba mite le Dedan mite, le Tarshish khuapite-ah a teng sumbukte in nang kiangah, ‘Ngun le khamte, ganhingte le vante na ngah nadingin luhgawpin a sutgawp ding le genzawh loh van tampi tawh a ciahkhia dingin galsim dingin na galkapte na kaikhawm nai hiam?’ ci-in hong dong ding uh hi, ci-in gen in,” hong ci hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.

2 KUMPI NIHNATE 18:25

Tua tham loin, Topa tawh a kikop lopi-in hih mun simin a susia dingin a hong paito ka hi hiam? Topa in kei kiangah, “Hih gam a sim dingin paito inla susia in,” hong ci hi,’ ci in,” a ci hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khua’ hauhna le Samaria khuasunga a om a kisut vante, Assiria kumpipa in la-in masuan ding hi,” hong ci hi.