Isaiah 10:4 - Tedim Bible

⁴ Thongkiate’ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna damzo nai lo a, ama khut kizanlai hi.

Tedim Bible Revision 2017

⁴ Thongkiateʼ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 10:4 Referans Kwoze

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vatgawp a, mualte a kiling hi. Amaute’ luanghawmte kongzing lampite-ah nin bangin a om hi. Hih bang teng hangin zong a hehna damzo nai loin ama khut kizanlai hi.

Jeremiah 37:10

Nangmah in na gal Babylon galkap khempeuh zolua kisa-in buk sunga mi liam teng bek na suaktasak khaphial ahi zongin, amaute hong thokik teitei ding uh a, hih khuapi hong halsak veve ding uh hi,’ ci-in va gen in,” a hong ci hi.

Isaiah 9:12

Ama mai-a om Syria mite le a nunga om Filistia mite in kam ka-in Israel netum uh hi. Hih thute khempeuh hangin ama hehna damzo nai lo a, ama khut kizanlai hi.

Thu-hilhkikna 32:30

Amau a Honkhia pa in amaute zuakin, Topa in amaute piakhia kei leh bangci-in mi khat in mi tulkhat delh mangin, mi nih in mi tul sawm taisakzo ding ahi hiam?

Hosea 9:12

Amaute in ta khoi mah ta le-uh zong, suanlekhak a neihtheih ma-un ka khansihsak khin ding hi. Hih mite ka nungngat ciangin amaute tungah a lungkhamhuai lianpite a tung ding hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thu khen ding a, Topa in a thah mite tam mahmah ding hi.

Isaiah 34:3

A kithat amau’ mite kilawnkhia ding a, a siluang hawmte uih semsem ding hi. Amau’ sisan in mual khempeuh sansak ding hi.

Isaiah 24:22

Dum sunga om thongkiate bangin amaute khempeuh kikaikhawm ding hi. Thong sungah amaute kikhaknelh ding a, ni tampi khit ciangin amaute gim kipia pan ding hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna damzo nai lo a, ama khut kizanlai hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Siampi Laibu 26:17

Keimah in note kong maisiat ding a, na galte uh mai-ah lelhna na thuak ding uh hi. Note hong mudah mite in note hong uk ding a, kuamah in note hong delh lo napi-in na tai ding uh hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topa’ hehna lauhuaipi eite’ kiang panin kiheikhia nai lo hi.

Isaiah 9:11

Tua ahih ciangin Topa in amaute do-in a langpang ding bawl a, amau’ galte a hanthawn hi.

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.

Isaiah 9:20

Amaute in a taklama omte ne uh a, ahih hangin a gil uh kiallai veve hi. A veilama omte ne uh a, ahih hangin kham nai lo uh hi. Mite in amau’ vengte’ sa ne ciat uh hi.

Jeremiah 15:2

Amaute in, ‘Koi-ah pai ding ka hi uh hiam?’ ci-in hong dot uhleh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sala kikai dingte zong salin kikai ding uh hi,” a ci hi,’ va ci in.