Isaiah 10:18 - Tedim Bible

¹⁸ Gah tampi a piangsak ama leitang le ama gamlak a minthanna pen nuntakna le pumpi dong takin Topa in susia ding a, mi cina khat a si tawh kibang ding hi.

Tedim Bible Revision 2017

¹⁸ Gah tampi a piangsak ama leitang le ama gamlak a minthanna pen nuntakna le pumpi dong takin Topa in susia dinga, mi cina khat a si tawh kibang ding hi.

Isaiah 10:18 Referans Kwoze

2 KUMPI NIHNATE 19:23

Na kamtaite tawh Topa na zahko a, nangmah in, ‘Ka leeng tampite tawh mual sangpen munah ka pai khin a, Lebanon gam tawng pek dong ka tung khin hi. A taamtak sangpente ka phukmang khin a, a taaksan hoihpente zong ka phukmang khin hi. A gam tawngnung pen dongah keimah ka lut a, a tulak thukpen dongah zong ka lut khin hi.

Jeremiah 21:14

Na gamtatna tawh kizui-in gimna ka hong pia ding hi, Topa in kong ci hi. Tulaka sing hoihte tawh a kilam na kumpi innte uh mei tawh kihal ding a, a kimkot khempeuh ka kangtumsak ding hi,” a ci hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kangtum sak hi. Gamlak lopa phate kuangsak a, meikhu lomtangin van lamah kizialto uh hi.

2 KUMPI NIHNATE 19:28

Kei tungah na hehna hang le na kiphatsakna ka bilah hong tunkhitna hangin na nakah nakpheh hong bulhin, na kamah kamkaih kong bulh ding a, nong kuankhiatna lam mahah kong lehhei kik ding hi,” a ci hi.

Isaiah 10:16

Tua ahih ciangin Topa, Vanglian Topa in ama mi thaute lakah natna lianpi tungsak ding a, tua natna pen amaute sungah mei bangin kuang niloh ding hi.

Isaiah 32:19

(Tua ciangin tulak kolhsiang ding a, a khuapi pen cimzan ding hi.)

Isaiah 37:24

Nangmah in na nasempa zangin Topa na zahko a, Lebanon mual dong pek, mual sangte tungah ka leeng tampite tawh ka pai khin hi. Taamtak sing a sangpente, taksing hoihpente ka phuk khin hi. A sangpen mun, tulak a thukpenna munah ka pai khin hi.

Zekhariah 12:6

“Tua ni ciangin Judah minamte, tulak kang le buhphual kang ka bangsak ding a, a kiima om minamdangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.