Isaiah 1:9 - Tedim Bible

⁹ Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Tedim Bible Revision 2017

⁹ Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 1:9 Referans Kwoze

ROM (Romans) 9:29

Hih thu pen Isaiah mah in, “Vanglian Topa in eite’ suanlekhak ding hong siitsak lo hileh Sodom khua le Gomorrah khuamite i bang ding hi,” ci-in a genkholhsa thu ahi hi.

Piancilna 19:24

Tua ciangin Topa in vantung panin Sodom le Gomorrah khuate tungah kaat le meikuang zusak hi.

Kah la 3:22

A bei thei lo Topa’ hong itna le a hehpihna a kizom paisuak hi a,

Amos 4:11

Sodom le Gomorrah khuapite ka suksiat bangin note pawlkhat kong susia hi. Meikhuk panin a kiteenkhia singkhuah khat tawh na kibang uh hi. Tua bang hinapi-in kei lamah nong kihei kei uh hi, Topa in ci hi.

Isaiah 37:4

A nungta Pasian a zahko dingin ama topa, Assiria kumpipa in a sawl a ulianpa’ thugente, Topa na Pasian in za hen la, tua bang thu a gente gim pia tahen. Tua ahih ciangin a omlai i mite a dingin thu ngen in,’ ci hi,” ci-in a gen uh hi.

Isaiah 24:13

Hih bangmahin leitungah a om mi khempeuh tungah a hong tung ding ahi hi. Oliv kung a kisin’ khit ciang, leenggah kilo khinin a sangte a kikaihkhop khit ciangin a kinusia lo hawmte tawh kibang ding hi.

Isaiah 17:6

Oliv kung a kisin’ khit ciangin a hiang sangpen dawnah pum nih pum thum singkung hiang dawnah pum li pum nga a omlai tawh kibang lel ding hi, Israel-te’ Topa Pasian in ci hi.

Isaiah 6:13

Mi sawm ah khat bang a omlai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasian’ mite a kipatthakna ding lahna lim ahi hi.)

Piancilna 18:32

Tua ciangin amah in, “Topa heh kei in, hih khatvei bek thu hong gensak lai in. Tua lai-ah sawm bang kimu leh,” a ci hi. Amah in dawngin, “Sawmte’ hangin ka susia kei ding hi,” a ci hi.

ROM (Romans) 9:27

Isaiah in Israel mite’ thu a genna-ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

Zefaniah 2:9

Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uhah lingkung bek pozo-in, a gam uh cikhuk tawh kidimin a sia tawntung suakin, a suaktalai ka mite in a neihsa uh sutin, a gam uh a laksak tak kei leh, ci-in ka kiciam hi,” a ci hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, kote’ hunin zong hong hih kik in. Na heh hun ciang nangawnin zong hehpihna lungsim hong nei in.

Joel 2:32

Ahi zongin Topa’ tungah huhna a ngen khempeuh in hotkhiatna a ngah ding uh hi. Topa’ gensa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Ezekiel 6:8

“Tua banga kihonthahna panin pawlkhat ka suaktasak ding a, minam dangte lakah kithehthangin,

Kah la 4:6

Jerusalem’ mawhna Sodom khuapi’ mawhna sangin lianzaw ahih manin, thakhatin Pasian’ khutsung pan kisiatna a ngah uh hi.

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tul sagih Israel sungah ka siit ding hi,” a ci hi.

Thu-hilhkikna 29:23

‘A gambup pen kaat le ci, le nin a kangtum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawnthal gawp, a hehna le a sinsona tawh Topa’ lotgawpte tawh kibang hi,’ ci ding uh hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh haltum a, Pasian a um lo mite’ thuak nading limin a bawl hi.

Ezekiel 14:22

A tanute a tapate a paikhiatpih dingin mi khat peuhpeuh a suaktazo kha a om a, nang kiangah hong pai leh, amaute’ omzia na en in. Amaute’ gitlohna zia na mu ding a, Jerusalem gim ka piakna a kilawm a thuman mah ahihna na phawk ding hi.

Piancilna 18:26

Topa in, “Sodom khuapi sungah thuman mi sawmnga ka muh leh, amaute’ hangin tua khua buppi ka khah ding hi,” a ci hi.

Mangmuhna 11:8

singlamteh tungah amaute’ Topa a kithahna mun Sodom ahih kei leh Egypt minkhem a pua khuapi kongzingah a luanghawm uh kipaidak ding hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in, Topa na Pasian in a zaksa thute nialkhin kha ding hi. Tua ahih ciangin a omlai mite a dingin thu ngen in,’ ci hi,” a ci uh hi.

Isaiah 1:8

Jerusalem khuapi bek omlai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Isaiah 11:16

Egypt gam panin Israel-te hong paitoh ciangin amau a dingin lam lianpi khat a om mah bangin, ama mi a omlaite a dingin Assiria gam panin zong lam lianpi khat om ding hi.

Isaiah 46:3

“Na suah a kipan kong tawi, gil sung pana kong puak, Jakob innkuan, Israel innkuan a suakta laite khempeuh aw, keima thu hong ngai un.

Isaiah 65:8

Topa in hih bangin ci hi: “Leenggahzu pen leenggah bom panin kingah a, mite in, ‘Tuate kimang thei ding ahih ciangin susia kei un,’ a cih mah bangun kei zong a minam bupun susia loin, keima na hong semte ka suaktasak ding hi.

Jeremiah 23:14

Ahih hangin Jerusalem khuasunga om kamsangte’ sungah a mulkimhuaizaw na khat ke’n ka mu hi. Angkawmin zuauthu gen uh a, mite a gitlohna uh pan a kikhel loh nadingin mi hoih lote a hanthawn zawlai uh hi. A vekpi-un kei’ muhna-ah Sodom khuamite tawh kibang khin ka sa a, Gomorrah khuamite tawh zong kilamdang lo uh hi.

Jeremiah 42:2

kei kiangah, “Kong thumna uh hong ngai inla, a hong kinusia ko teng a dingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hita uh hi.

Jeremiah 50:20

Tua ni hun ciangin, Topa in kong cihin-ah, Israel gamah khialhna kizong ding a, a kimu kei ding hi. Judah gamah mawhna kizong ding a, a kimu tuan kei ding hi. Bang hang hiam cih leh ka nuntaksak, ka nusiatlai mite a mawhna uh ka maisak ding hi.

Isaiah 24:6

Tua ahih ciangin Topa in leitung samsiatin susia a, a tunga a teng mite in amau’ mawhna hangun a thuak uh hi. Tua ahih ciangin leitungah a teng mite tawm semsem hi.