Isaiah 1:30 - Tedim Bible

³⁰ Bang hang hiam cih leh note pen a teh a vul tawsaw kung le tui a ngah lo huan tawh na kibang ding uh hi.

Tedim Bible Revision 2017

³⁰ Bang hang hiam cih leh note pen a teh a vul tawsaw kung le tui a ngah lo huan tawh na kibang ding uh hi.

Isaiah 1:30 Referans Kwoze

Mattiu 21:19

Lam gei-ah theikung khat mu ahih manin a gei-ah va pai a, ahi zongin a teh simloh bangmah a mu kei hi. Jesuh in tua theikung kiangah, “Gah ngei nawn kei in!” a cih khit phetin a theikung a sipah hi.

Ezekiel 17:24

Tua ciangin singkung sangte phukin, singkung neute a liansak pa, singkung hingte keusakin, singkung keute a hingkiksak Topa ka hihna thu gam sunga om singkung khempeuh in hong thei ding uh hi. Topa ahi keimah in hih thu ka gen khin a, hih dingin ka gen bangin ka gamta ding hi,” a hong ci hi.

Jeremiah 31:12

Amaute hong pai-in Zion mual tungah ngaihtakin la sa ding uh a, Topa’ hehpihna ahi, buh, leenggahzu, sathau le tuuno, bawngnote’ hangin amaute a lungdam mahmah ding uh hi. A nuntakna uh, tui a kibuak huan bang ding a, lungkham nawn lo ding uh hi.

Isaiah 58:11

Tua ciangin note lam kong lak tawntung ding a, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Piancilna 12:6

Abram in tua gam sung nawkin Shekhem mun, Moreh tawsaw phung dong a tung hi. Tua hunin tua lai-ah Kanaan mite teng lai hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puannin tawh kibanglai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. Kote tungah nang na heh a, ahi zongin kote ka khial lai veve uh hi. Tanglai pek a kipanin ka mawh ngitnget uh hi. A tua bangpi mahin kote hong kihon ding ahi hiam?