Isaiah 1:23 - Tedim Bible

²³ Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Tedim Bible Revision 2017

²³ Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Isaiah 1:23 Referans Kwoze

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Zekhariah 7:10

note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut lohna ding uh thu ka hong piazo hi,” a ci hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in uliante’ mit tawsak a, thuman mite’ thu heikhiatsak hi.

Luka 19:46

“‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutate’ bukna phualpi na suaksak uh hi,” ci-in amaute kiangah a gen hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Isaiah 3:14

Topa pen upate le ama mite’ uliante tawh thukhen dingin kipan a, “Leenggui lo a netumte, note na hi uh a, mizawngte’ na a kisutte note’ inn sungah om hi.

Marka 11:17

Tua ciangin mite kiangah thu hilh a, “Ka inn pen mi khempeuh a dingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhte’ bukna mun na suaksak uh hi, ci-in thu a hilh hi.

Mattiu 21:13

Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktakna phualpi na suaksak uh hi,” a ci hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Minphat ding sangin minsiat ding utzaw uh hi.

Jeremiah 22:17

Ahih hangin note in thuman lo tawh ngahna ding ahi zongin, mimawh lote’ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeremiah 5:5

Miliante kiangah pai-in ka va kiho ding uh hi. Amaute in Topa’ lampi thei uh a, amau’ Pasian’ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute sutat khinzo uh hi.

Isaiah 33:15

Thumanin gamta-in thutang na gen uhleh na suakta ding uh hi. Na vangliatna uh mizawngte khemna-in zang kei unla, sumgolh deih kei un. Mi thah ding le siatna gamtat ding a vaihawmte tawh kipawl kei un.

Paunak 29:24

Guktakna sungah a kipawl mipa ama a dingin thusia zongpa ahi hi. A guktakna pulak leh amah gim kipia ding a, genkhia kei leh lah Pasian in samsia veve ding hi.

Paunak 17:23

A ginalo thukhente in sumgolh sangsim uh a, a thukhenna uhah thuman om nawn lo hi.

2 KHANG TANGTHU NIHNATE 36:14

A makai siampite le mi khempeuh zong tua bangmahin citak lo mahmah uh a, minam dangte’ kihhuainate zui uh hi. Amah in Jerusalem-ah a siangtho-in a koih Topa’ biakinn amaute in ninsak uh hi.

Thu-hilhkikna 16:19

Thutang na heikhia kei ding uh a, angvan tuam na nei kei ding uh hi. Sumgolh in mipilte’ mit tawsakin thumante’ thu heikhia ahih manin sumgolh na la kei ding uh hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Isaiah 1:22

Jerusalem khuapi aw, nguntang na bang ngei a, tu-in ahihleh ngun-ek na suakta hi. Leenggahzu limci na bang ngei a, tu-in ahihleh tui mawkmawk na bangta hi.

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Isaiah 30:1

Topa in, “Kei’ ngimna hilopi-in thu vaihawmna a semkhia, kei’ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a bel ding le Egypt’ liahna a zong dingin Egypt gamah paisuk dingin a kuankhia, a lehdo mite in gimna ngah tahen.

Isaiah 65:2

A hoih loin gamta-in, amau’ deih bang a zui teitei mite,

Jeremiah 4:17

Judah gam in kei hong langpan’ ahih manin lohongte bangin a galte in a kimkotah a pang dimdiam uh hi, Topa in kong ci hi.

Jeremiah 32:32

Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khuamite khempeuh in kei hong hehsak nadingin siatna a bawl uh hi.

Ezekiel 12:2

“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Hosea 5:10

Topa in hih bangin ci hi: Judah mi uliante in gisuang khinin midangte’ leitang keeksak uh ahih manin amaute tungah ka heh a, amaute tungah tuikhang bangin gimna ka tungsak ding hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngte’ thu a manin na khen kei uh hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Micah 6:12

Na mihaute uh mizawngte tungah tatsia mahmahin, na khuasung mi khempeuh uh zuaugen vive ahi uh a, a kam un khemna thu bekbek gen hi.

Gamlak-vakna 22:7

Tua ahih ciangin Moab upate le Midian upate aisanna man ding tawh kuankhia-in Balaam kiangah pai uh a, Balak’ thu ama kiangah sung uh hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman heikhia uh hi.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Isaiah 28:14

Tua ahih ciangin Jerusalem khua sungah hih mite a uk, a kiphasak no uliante aw, Topa’ thu za un!

Jeremiah 5:6

Tua ahih manin tulak panin humpinelkai in amaute that ding a, sehnel gam panin keivom in amaute a petgawp ding hi. Kamkei in a khuapite uh limtakin vil gige a, a pusuakkhia peuhpeuh balzan gawp ding hi. Bang hang hiam cih leh amaute’ mawhna tamlua a, hong taisan mun lua uh hi.

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.