Isaiah 1:18 - Tedim Bible

¹⁸ Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Tedim Bible Revision 2017

¹⁸ Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Isaiah 1:18 Referans Kwoze

Isaiah 44:22

Na thupalsatnate meiipi bangin na khialhnate meiilum bangin ka phiatkhia khinzo hi. Hong honkhia khin ka hih manin kei kiangah hong ciahkik in.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngozaw ding hi.

Isaiah 41:21

Na thu uh sung un, Topa in ci hi. Na lahtel nop teng uh gen un, Jakob’ Kumpipa in ci hi.

Isaiah 41:1

Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasian’ hehpihna hong lianzaw zel hi.

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

1 SAMUEL MASA 12:7

Tua ahih ciangin tuni-in note le na pu na pate uh a dingin Topa in hotkhiatna a sepna thu khempeuh Topa’ mai note’ tungah hong genin kong mawhsak theih nadingin ding lai dih un.

Sawltak 17:2

A pai ngei zel mah bangin Paul zong kikhopna inn-ah pai a, Sabbath ni thum sung Lai Siangtho siksanin mite tawh thu kikum a,

Jeremiah 2:5

Topa in hih bangin ci hi: “Na pute na pate uh kei kiang panin gamlapi-ah paikhia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Micah 6:2

No mual liante le a kip tawntung leitung bulpite aw, Topa’ thu ngai un. Topa in ama mite tawh thu nei a, Israel tawh thu kisel ding hi.

JOB (Job) 9:33

Ko tegel kikalah thu hong khen ding khat om thei hen la, ko tegel tungah aana hong zang ding khat om thei hileh,

Isaiah 50:8

Ka thumanna a langsak Pasian a nai-ah hong om hi. Keima langkhatah kua hong pangzo ding ahi hiam? Thukhen zumah kikhia nu’ng. Thukhen zumah kua in hong khia nuam ahi hiam? Kei hong langpang dingin hong kuan tahen.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Ezekiel 18:27

Migilo khat a gitlohna panin khawlin a hoih a manin gamta leh ama nuntakna a suahtak ahi hi.

Ezekiel 33:16

Ama gamtatnasa mawhnate kimaisak ding hi. A man a hoihin amah gamta ahih manin nungta ding hi.

Late 51:9

Ka mawhna khempeuh na mai panin seel inla, ka khialhna khempeuh hong phiatkhiatsak in.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Isaiah 3:13

Topa in thupang dingin ama panmun hong la a, ama mite’ thu a khen dingin a ding hi.