Biblia Todo Logo
Bib sou entènèt

- Piblisite -




Isaiah 1:17 - Tedim Bible

17 Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Gade chapit la Kopi

Tedim Bible Revision 2017

17 Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Gade chapit la Kopi




Isaiah 1:17
24 Referans Kwoze  

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.


Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.


Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.


Amau a’ ding thu genin thu a tangin khen inla, a zawng a cimawh mite amau a dingin a kilawm hamphatna ngahsak in.


Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.


Kiniamkhiatin, Topa’ thupiakna a mang Judah gammi khempeuh aw, Topa’ kiang zuan un. A manin gamta unla, kiniamkhiat un. Tua hileh Topa’ hehna hong kilat ciangin, tua hehna hangin gimna panin na peng khathei ding uh hi.


Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.


Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.


Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei lo uh ahih manin note’ khua sunga om Levi mite, peemtate, pa nei lote, leh meigong numeite hong pai-in tua ante ne-in a gilvah ding uh hi.


Siatna panin kihemkhia inla, a hoih bawl in. Kilemna ding hanciam inla, na phak mateng delh in.


Topa in hih bangin ci hi: “A sawt loin note ka hong honkhia ding a, hong khahkhia ding ka hih manin thutang thumanin gamta un.


Kei’ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khahkhia-in thuman lohna hakkol khempeuh suktan ding ahi hi.


Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.


Na gamtatnasa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?


“Khualmi khatpeuh na bawlsia kei ding uh a, na nengniam kei ding uh hi. Bang hang hiam cih leh note zong Egypt leitangah khual mite na hi ngei uh hi.


Topa in mi kiphasakte’ inn phelkhiatsak a, meigongte’ neihsa hutpih hi.


Topa in biakpiakna sangin thuman thutang deihzaw hi.


A nu a pa a zahtakbawl kuamah om lo hi. Pemtate kikhemgawp a, meigong le tagahte zong kihih thopthop hi.


“Topa Pasian in hih bangin ci hi: No Israel a uk uliante aw, na mawh gamtatna uh sauveizo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amau’ leitang panun ka mite notkhia nawn kei un. Topa Pasian keimah in hih thu kong gen hi.


Swiv nou:

Piblisite


Piblisite