Isaiah 1:13 - Tedim Bible

¹³ Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni, le thupi takin na kikhopnate uh mawhna tawh kidim ahih manin ke’n ka thuakzo kei hi.

Tedim Bible Revision 2017

¹³ Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni le thupi takin na kikhopnate uh mawhna tawh kidim ahih manin keʼn ka thuak zo kei hi.

Isaiah 1:13 Referans Kwoze

Isaiah 66:3

Biakna-in bawngtal a gopa in mihing zong that hi. Biakpiakna-in tuuno a gopa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amau’ kihhuai gamtatna uhah nuam a sa uh hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uh cin ka ut hi. Note tungah ka lungkim kei a, nong piak uh biakpiaknate kong sang kei ding hi.

Mattiu 15:9

Mihingte’ bawltawm thukhamte, Pasian’ thukham zahin mite tungah hilh uh ahih manin kei hong biak hangun a kimanna om lo hi,’ ci hi,” ci-in a dawng hi.

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na donkha kei uh hi. Hihte khempeuh na hihkim ding uh hi a, paihkhiat na neih ding uh hi lo hi.

Joel 2:15

Zion mual tungah peengkul tumin an tanna ding thu pia unla, biak kikhopna khat nei un.

Kah la 2:6

Amah in biakna Biakinnpi a zan gawpsak hi. Amah in biakna ni siangtho nite le Sabbath nite a beisak hi. Kumpite le siampite in a nasia ama hehna a thuakkhawm uh hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasian’ neihsa na hihna uh hong ciamtehna-in Kha Siangtho hong pia ahih manin, tua Pasian’ Kha Siangtho na dahsak kei un.

1 KORIN MASA 11:17

Ahi zongin a nuai-a thu tawh kisai-in note ka hong pakta kei hi. Bang hang hiam cih leh pawlpi kikhopna na neih uh ciangin phatna sangin siatna na piangsakzaw uh hi.

Joel 1:14

An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.

Paunak 21:27

Topa in migilote’ biakpiaknate deih lo a, ngimna hoih lo tawh a piakte uh deih lo zaw kan lai hi.

Late 78:40

Amaute in gamlakah amah lehdo zelzel uh a, sehnel gam sungah amah dahsak uh hi.

1 KHANG TANGTHU MASATE 23:31

a mal zah a kisam bangin Sabbath nite, Khadet nite, le pawi nite-in Topa tungah meihal biakna a kipiak peuhpeuh ciangin a tawntungin Topa’ mai-ah om ding uh hi.

Paikhiatna 12:16

A ni masa ni le a ni sagih ni-in a siangtho biak kikhopna khat na nei ding uh a, tua ni nih sung na bangmah na sem kei ding uh hi. Ahi zongin na milipun an huanin na ne thei ding uh hi.

Filippi 1:15

Mi pawlkhatte in ahihleh hong hazatna le hong langpan’ nopna tawh Khrih thu hilh uh a, ahi zongin mi pawlkhatte in lungsim hoihtak mah tawh a hilh uh hi.

Gamlak-vakna 10:2

“Ngun peengkul nih bawl in. Tuate na bawl ciangin na seek ding a, mihonte khop nading le giahphual nusiat nadingin na zang ding hi.

Isaiah 66:23

Khadet khat pan Khadet khat, keimah bia dingin Jerusalem-ah mi khempeuh hong pai ding uh hi, Topa in ci hi.

Hosea 2:11

Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak ding a, nomau’ hong biakna a gim namtuite ka diik kei ding hi.

2 KUMPI NIHNATE 4:23

Tua ciangin amah in, “Bang hangin tuni-in ama kiangah pai ding na hi hiam? Khadet ni ahi a, Sabbath ni ahi zongin hi lo hi,” a ci hi. Amah in, “Hong hoih na ding hi,” a ci hi.

Paunak 7:14

“Tuni-in biakpiakna ka bawl a, nek ding sa tampi ka nei hi.