Isaiah 1:12 - Tedim Bible

¹² Kei’ mai-ah a kilaak dingin na hong pai uh ciangin hih bangin ka huangsung na tuatcil gawpna uh kua’n hong deih ding ahi hiam?

Tedim Bible Revision 2017

¹² Keiʼ mai ah a kilaak dingin na hong pai uh ciangin hih bangin ka huang sung na tuatcil gawpna uh kuaʼn hong deih ding ahi hiam?

Isaiah 1:12 Referans Kwoze

Paikhiatna 34:23

“Pasal khempeuh Israel Pasian, Topa Pasian’ mai-ah kum khatin thumvei kilak ding uh hi.

Paikhiatna 23:17

Topa Pasian’ mai-ah pasal khempeuh kum khatin thumvei kilaak ding uh hi.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Thuhilh-sia 5:1

Biakinn-ah na pai ciangin limtakin kingaihsun in. A man le a man lo a khen thei lo mihaite’ biakpiaknate tawh a kibang piakna sangin thu ngai dingin biakinn-a paina hoihzaw hi.

Late 40:6

Gan gawh biakna le khawhsa tawh biakna na deih kei a, khua ka zak theih nading bil na hong guan hi. Meihal biakna le mawhmaina ding biakna zong na kulsak kei hi.

Thu-hilhkikna 16:16

“Amah in a teelna mun, Topa na Pasian uh mai-ah pasal khempeuh kum khatin thumvei, silngo sawh loh anlum pawi, nipikal pawi, le buk pawi-ah kilaak ding uh hi. Amaute khut hawmguakin Topa’ mai-ah kilak lo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.