Hosea 9:9 - Tedim Bible

⁹ A gamtatna uh gentheih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in gim a pia ding hi.

Tedim Bible Revision 2017

⁹ A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Hosea 9:9 Referans Kwoze

Hosea 10:9

Gibeah khua-ah a khialh uh a kipanin kei tungah hong khialhna uh Israel mite tawp nai lo hi. Tua ahih manin Gibeah khua-ah gal in amaute pha ding hi.

Thukhente 19:16

Tua laitakin puteek khat lo-a a nasepna panin nitak ciangin hong ciah hi. Tua pa pen Efraim mualtung gam pan hi a, amah Gibeah khua-ah a peem hi a, tua khuamite pen Benjamin mite ahi hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.

Isaiah 31:6

Israel mite aw, nakpitakin na do pa uh’ lamah kihei kik un.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Thukhente 19:12

A topa in, “Israel mite ahi lo, gamdang mite’ khuapi sungah i taam kei ding hi. Gibeah-ah i paisuak ding hi,” a ci hi.

Thukhente 20:43

Amaute in Nohah panin nisuahna lamah Gibeah gal ciang dong Benjamin mite delhin tuancilin vatgawp uh hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vakkhia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Hosea 4:9

Mite’ thuak dingin a kilawm gimna mah siampite in zong thuak ding uh a, amau’ gamtatna bangin gim pia-in amau’ siatna bangin ka thukkik ding hi.

Hosea 5:8

Galdona ding zaksakna-in Gibeah khua-ah tuutal ki tum unla, Ramah khua-ah peengkul tum un. Bethaven khua-ah pataukohna gingsak un. Benjamin mite aw, kithawi un!

Hosea 7:2

Amau’ gamtatsiatna khempeuh ka phawk lamtak amaute in ngaihsutin neikha lo uh hi. Amau’ mawhna in amaute gakcip a, ka muhna mahmahah om gige uh hi.

Hosea 9:8

Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuhah vasa bangin thang nong siah uh a, Pasian’ gam sung teekteek mahah mite pen kamsangpa’ gal a suak mawk hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtatsiat ngei bangun gamtalai veve uh hi,” a ci hi.

Paikhiatna 32:7

Topa in Moses kiangah, “Paisuk in; bang hang hiam cih leh Egypt leitang panin nangmah in na paikhiatpih toh mite amau kisiasak uh hi.

Thukhente 19:22

Amaute in a lung uh nuamsakin a om laitakun, tua khuapi mi, mi ginalote in tua inn kimkotah pangin a kongkhak tumgawp uh hi. Amaute in inn nei puteekpa kiangah, “Ama taw ka luk theih nadingun na inn-ah a hong tung mipa hong paikhiatpih in,” a ci uh hi.

Ezekiel 21:28

“Mihing ahi Ezekiel aw, mailam thu gen inla, Topa Pasian ahi keimah in Israel mite a simmawhbawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin a kibawl hi.