Hosea 9:3 - Tedim Bible

³ Bang hang hiam cih leh Topa’ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Tedim Bible Revision 2017

³ Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Hosea 9:3 Referans Kwoze

Ezekiel 4:13

Tua ciangin Topa in, “Israel mite, gam dangah ka thehthang hun ciangin thukham in nek dingin a kham an ninte tu-a mah bangin ne ding uh hi,” a hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.

Siampi Laibu 25:23

“Leitang pen keima-a’ ahih manin neihsuak dingin leitang kizuak lo ding hi; bang hang hiam cih leh note pen kei tawh a omkhawm khualmi leh peemtate na hi uh hi.

Jeremiah 2:7

Singgah le a hoih nate na nek theih nadingun an tamna munah kong tunpih hi. Ahih hangin no nong pai uh ciangin ka gam na ninsak uh a, ka neihsa leitang a kihhuai mun na suaksak tazen uh hi.

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Daniel 1:8

Daniel in kumpi innsunga an le leenggahzu tawh a pumpi a thanghuaisak loh nadingin a lungsim a khensat hi. Amah in innsungmang lianpen Ashpenaz kiangah tua bang an a kipiak loh nadingin a ngen zaw hi.

Jeremiah 16:18

Amaute’ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadahhuai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

2 KUMPI NIHNATE 17:6

Hoshea’ kum kuana kumin Assiria kumpipa in Samaria la a, amah in Assiria-ah Israel mite ciahpihin Halah gam sung, Gozan gam a om Habor gun gei, le Media khuapite sungah amaute a koih hi.

1 KUMPI MASATE 9:7

amaute ka piaksa leitang panin Israel mite ka lakhia ding hi. Tua ciangin ka min dingin ka apsa biakinn pen ka muhna panin ka lawnkhia ding a, Israel-te pen mi khempeuh lakah paunak le thugentehna suak ding hi.

Thu-hilhkikna 28:63

Topa in note tungah a hong bawlna le note tampi hong phaksakna-ah nuam a sak mah bangin, note tungah siatna tunsakna le note suksiatna-ah zong Topa in nuamsa ding a, a luah dingin na lutna uh leitang panin note hong kilakhia ding hi.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Sawltak 10:14

Ahi zongin Peter in, “Topa aw, tuate go-in ka ne het kei ding hi. A ninin a kingaihsun peuhmah ka ne ngei het kei hi,” ci-in a dawng hi.

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note a dingin mun nuam hi lo hi.

Hosea 11:11

Egypt gam panin vasa bangin lawptakin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tunpih kik ding hi, Topa in ci hi.

Hosea 11:5

Tua bang hinapi, kei lamah amaute hong kihei nuam lo uh ahih manin Egypt gamah paikik ding uh a, Assiria mite, amau’ kumpi hi ding hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak le lopa in khuhcip lel ding hi.

Joshua 23:15

Ahih hangin, amah in note hong thupiak ahi Topa na Pasian uh thuciamna palsatin, note in pasian dangte’ na semin tuate na biak uhleh, Topa na Pasian un note tawh kisai-in a ciam na hoih khempeuh a tun mah bangin Topa na Pasian un note hong piaksa hih leitang hoih panin amah in note hong suksiat khit matengin note tungah siatna khempeuh hong tungsak ding hi. Note tungah Topa hong sinso ding a, note tungah a hong piak leitang hoih panin note manlang takin na bei ding uh hi,” a ci hi.

Thu-hilhkikna 28:68

Note na zin kik ngei nawn kei ding uh hi, ci-in kong ciam khualzinna, Egypt gamah teembaw tawh Topa in note hong paipih kik ding hi. Tua lai-ah sila numei le sila pasal dingin na galte uh tungah na kizuak ding uh a, ahih hangin kuamah in note hong lei lo ding hi,” a ci hi.

Siampi Laibu 20:22

“Tua ahih ciangin note in ka thukham khempeuh le ka biakna ngeina kipte khempeuh zui-in, tuate na sem ding uh hi. Tua pen note na ten nadingun kong paipih nading leitang in note hong luakkhiat loh nading ahi hi.

Siampi Laibu 18:28

tua bang hikeileh leitang in note’ ma-a a om minamte a luakkhiat bangin note in amah na nitsak uh ciangin amah in note hong luakhia ding hi.

Kah la 5:6

Ka nuntak theih nadingun Assiria le Egypt-te kiangah an ngen dingin ka pai uh hi.

Hosea 7:16

Amaute, kei’ lam hong nga loin, Baal pasian’ lam nga tawntung uh hi. A khakna ding san a kha thei lo thalpeu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.