Hosea 9:17 - Tedim Bible

¹⁷ Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Tedim Bible Revision 2017

¹⁷ Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Hosea 9:17 Referans Kwoze

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.

Sawltak 3:23

Tua kamsangpa’ thugen a mang lo khempeuh, a Jew mipihte kiang panin kikhen khia-in kisusia ding hi,’ ci hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn loh nading hilh uh hi. Ahi zongin amaute in ka thu ngainuam loin, ka thu hong mang lo uh hi.

Micah 7:7

Ahi zongin ke’n ahihleh Topa mah ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 48:18

Ka thupiakna a ngai hi hoh leteh! Nangma nopsakna gunpi bang ding a, na thumanna, tuihualte tawh kibang ding hi.

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Hosea 4:10

Amaute, pasian dangte a bia dingin kei kiang panin kiheikhia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.

Isaiah 7:13

Tua ciangin Isaiah in, “David’ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Paunak 29:1

Kihilh napi-in a mang nuam lote bawlphat zawh nawn loh dongin kisia ding uh hi.

Late 31:14

Ahih hangin nang kong muang hi, Topa aw. Keima Pasian na hi hi.

Nehemiah 5:19

Pasian aw, hih mite a dingin ka bawlna khempeuh kei a dingin a hoih lamin hong phawk in.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 18:13

Ahih hangin Mikaiah in, “Topa a nungta ahih mah bangin, ka Pasian’ gen thu bek ka gen ding hi,” a ci hi.

Thu-hilhkikna 32:26

Keimah in, “Amaute gamlapi-ah ka thehthang ding a, mite lakah amaute a kiphawkna ka beisak ding hi,” ka ci thei ding hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

Filippi 4:19

A na ka sep i Topa Pasian in ama hauhna tawh kizui-in Khrih Jesuh hangin note’ kitangsapna khempeuh hong pia ding hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Johan 7:35

Tua ciangin Jew mi uliante khatlekhat kiho uh a, “I muh zawh loh dingin hih mipa koi lai-ah paisawm hi ding ahi hiam? Jew mite omna Grik khuapi tuamtuamte-ah pai-in Grik mite kiangah thu hilhsawm hi ding ahi hiam?

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te a dingin a bei hun uh tungta hi. Amaute gim ka piak ding ka khawl nawn kei ding hi.

Jeremiah 6:30

Amaute, a kideih lo ngun-ek kici ding hi. Bang hang hiam cih leh Topa in, ‘Amaute ka deih kei hi,’” hong ci hi.

Thu-hilhkikna 4:25

“Note in tuleta nei-in gam sungah mi khangham na suah uh ciangin, na khat peuhpeuh tawh a kibang limin a kiseek milim bawlna le Topa na Pasian uh’ muhna-ah a sia bawlna tawh amah a heh nadingin na siat gamtat uhleh,

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na omlai ding uh hi.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cihin-ah,

Jeremiah 7:15

Efraim’ suanlekhak ahi leilu lama na behte khempeuh uh ka paihkhiat bangin note zong ka muhna panin kong paikhia ding hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.