Hosea 9:11 - Tedim Bible

¹¹ Israel-te’ minliatna teng vasa bangin leengmang ding a, amau’ sung panin ta suak nawn loin, nupi gai, naupaii cih zong om nawn lo ding hi.

Tedim Bible Revision 2017

¹¹ Israel-teʼ minliatna teng vasa bangin leeng mang dinga, amauʼ sung panin ta suak nawn loin, nupi gai, naupaii cih zong om nawn lo ding hi.

Hosea 9:11 Referans Kwoze

Hosea 10:5

Bethaven khua-a bawngno milim a taanna uh hangin Samaria khuapi sunga a teng mite lau-in ling ding uh a, amaute le tua milim na a sem siampite a thum ding uh hi. A etlawmna teng a maiman’ ciangin a tau ding uh hi.

Hosea 9:14

Topa aw, hih mite tungah na piak ding bang hong ngen ding ka hi hiam? Amaute tatolhsak inla, a nawizu uh kangsak in.

Hosea 4:7

Siampi tam semsem leh kei tungah a khialhna uh tam semsem hi. Amau’ minthanna pen mindaina ka suaksak ding hi.

Thu-hilhkikna 28:18

“Note’ sung pana piangte le na leitang uh pana piangte, na bawngte uh le na tuuhon note uh in zong samsiatna ngah ding hi.

Luka 23:29

Bang hang hiam cih leh mite in, ‘Ta a nei ngei lo, naungek nawi a teepsak ngei lo numei ciingte mi hampha mahmah ahi hi,’ a cih hun hong tung ding hi.

Amos 1:13

Topa in hih bangin ci hi: Ammon mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in huaihamin gam a deihthuah manun Gilead gam simgawp uh hi.

Thuhilh-sia 6:3

Mi khat in ta zakhat nei-in kum saupi zong nungta thei kha ding hi. Bangzahin sauveipi a nungta ahi zongin leitungah nopsakna ngah loin, limtak a vuina a ngah kei leh, a sisa-a suak naungek hoihzaw lai hi.

Late 58:8

Amaute a naai a bei toktol, a hun cing loin a suak, ni a mu ngei lote bangsak in.

JOB (Job) 18:5

“Migilo pa’ meivak kisumit ding a, cikmah hunin kuangkik nawn lo ding hi.

Thu-hilhkikna 33:17

A tacil, bawngtal bangin thahat a, a kite, gamsial kite tawh kibang hi. Amah in tuate tawh mite nawt ding a, leimong dongah amaute khempeuh phul ding hi. Efraim mi tul sawmte tua bang hi a, Manasseh minam tul tampite zong tua bangmah ahi hi,” a ci hi.

Piancilna 49:22

“Josef, a gah pha hiang ahi hi. Ciktui gei-a om a gah pha hiang hi a, a hiangte kulh tungah zaam hi.

Piancilna 41:52

A nihna pen amah in Efraim a phuak hi. “Ka thuakna gam sungah kei a pungin hong bawl hi,” ci hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi. Syria mi a suakta laite pen Israel mite mah bangin mindai ding uh hi, Vanglian Topa in ci hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.

2 SAMUEL NIHNA 6:23

Tua ahih ciangin Saul’ tanu Mikhal in a sih ni dongin ta nei thei nawn lo hi.