Hosea 8:8 - Tedim Bible

⁸ Israel khempeuh kinawmvalhin kisusia ding a, tu nangawnin minam dangte in bangmahin ngaihsun nawn lo uh hi.

Tedim Bible Revision 2017

⁸ Israel khempeuh kinawmvalhin kisusia dinga, tu nangawnin minam dangte in bangmahin ngaihsun nawn lo uh hi.

Hosea 8:8 Referans Kwoze

Jeremiah 22:28

Jehoiakhin, kuama deih loh a kipaimang beel kitam tawh kibang ta ahi hiam? Bang hangin amah le a tate kilawnkhia a, a theih loh uh gamah kipaimang ahi hiam?

Jeremiah 51:34

“Babylon kumpipa Nebukhadnezzar in Jerusalem khua hong valhtumin, hong sukham gawp hi. Beel hawm bangin a hawmin hong koih a, gulpi’ valh bangin hong nawmvalh hi. Ka neihsa a limnono tawh amah kivak kham a, kei a hong hawlkhia hi.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin,

Ezekiel 36:3

Tua ahih ciangin mailam thu ding gen inla, Topa Pasian ahi keima thugen hih bangin pulak in: Na kimkot uhah a om minam dangte in no Israel mualtung gamte hong la-in na neihsate uh a hong suh uh ciangin, mite khempeuh in no Israel mite hong simmawh bawlin hong ciamnuihbawl lel uh hi.

Kah la 2:16

Na galte in nang hong simmawh uh a, muhdahna tawh a hong sik-et uh hi. “Khuapi susiazo ta hang! I suksiatzawh mateng i cihcih niloh mah hi,” ci-in a hagawi uh hi.

Kah la 2:5

Topa in galte bangin Israel-te a susia hi. Amah in kulhpite le a kumpi innte a siasa-in a nusia hi. Amah in a bei thei lo dahna Judah gam sungah a tungsak hi.

Kah la 2:2

Topa in Judah gam a om khuate khempeuh hehpih loin a susia hi. Amah in a galdalna kulhpite khempeuh balzan gawpin a gam le a gam ukte a maizumsak hi.

Jeremiah 50:17

“Israel mite, humpinelkai in a delhmang tuu tawh a kibang uh hi. A masa-in Assiria kumpipa in ne a, tu-in a tawpna-ah Babylon kumpipa Nebukhadnezzar in a guh dongin a teeptum hi.

Jeremiah 48:38

Moab gam innkhum khempeuh le lam lianpi khempeuhah kahna bekbek a om hi. Bang hang hiam cih leh Topa in kong cihin-ah, leibeel suktap bangin Moab gam ka sutam a, kuamah in phamawh a sa kei hi.

Isaiah 30:14

Tua cipna pen iplah ding om nawn loin a kidengkham beelseek pa’ beel themte meikhuka om meilakna ding ahi zongin, tuikhuka om tui dipna ding ahi zongin a om nawn het lo tawh kibang ding hi,” a ci hi.

2 KUMPI NIHNATE 18:11

Assiria kumpipa in Israel mite Assiria-ah la a, Halah gam sung, Gozan gam a om Habor gun gei, le Media khuapite sungah a koih hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai-ah note le na pu na pate un a theih nai loh singlesuang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong guallelsak ding hi. Amaute a do dingin lam khatah na kuan khawm ding uh a, amau’ mai-ah lam sagihin na taikeek ding uh hi. Leitung kumpi gamte khempeuh’ muhna-ah note a cikzethuai na hi ding uh hi.

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tungzo hi; tuutal teelte bangin hong kithatlum ding hi.

Kah la 5:2

Ka neihsa teng uh gamdang mite’ khut sungah tung mangkhin a, ka innsung uhah gamdang mite teng ta uh hi.

Kah la 4:2

Kham bangin a manpha Jerusalem tangvalnote, leibeel bang lelin kibawl khinta hi.