Hosea 8:6 - Tedim Bible

⁶ Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Tedim Bible Revision 2017

⁶ Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Hosea 8:6 Referans Kwoze

Sawltak 19:26

Nomau mahmah in hih Paul’ thugen khempeuh za-in na thei uh hi. Amah in mihingte’ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuhah mi tampi tak a umsak hi.

Sawltak 17:29

Eite pen Pasian’ tate ihih manin, mihing khutsiamte in bawlin a zep ngunte, khamte, suang milimte tawh a kibang dingin Pasian i ngaihsun kei ding hi.

Habakkuk 2:18

Milim, banga kimang ahi hiam? Mihingte’ bawltawm na khat hi lel a, thuman hong gen thei lo hi. Tua bangin a pau thei beek lo pasian a bawlpa in muanin a neih bang phatuam ahi hiam?

Hosea 10:2

A lungsim uh man lo ahih manin tu-in a mawhna uh thuak ding uh hi. Topa Pasian in amau’ biakna taute suzanin, a biakna songte uh suksiatsak ding hi.

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Jeremiah 10:14

Mi khempeuh hai-in pilna nei lo khin uh a, kham seekte khempeuh in a milimte uh a maizumlawh uh hi. Bang hang hiam cih leh a milimte uh zuau hi lel a, nak thei lo uh hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite-ah pai-in biakna songte sat khamin Asherah milimte phukin, Judah le Benjamin sung, le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah a ciah uh hi.

2 KUMPI NIHNATE 23:19

Tua ciangin Israel kumpite in a bawlsa, Topa a hehsakna uh, Samaria khuapite sunga om mualtung a biakna munte khempeuh zong Josiah in a lakhia hi. Bethel-a a hihsa khempeuh mah bangin tuate tungah a hih hi.

2 KUMPI NIHNATE 23:15

Tua tham loin Israel-te a khialsak Nebat’ tapa Jeroboam in Bethel-ah a phuhsa mualtung a biakna, tua biakna mun a biakna tau tawh, amah in phelin a suangte sukham a, tuate a satvui hi. Amah in Asherah milim zong a hal hi.

Jeremiah 48:13

Tua ciangin Israel mite, a muan uh Bethel pasian in a maizumsak mah bangin Moab mite, a biak uh Khemosh pasian in a maizumsak ding hi.

Hosea 13:2

Tua hinapi-in amaute khialthuah semsem uh a, a biak ding uh milim a bawl uh hi. Amau’ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

2 KHANG TANGTHU NIHNATE 13:8

Note mi tampi na hihna uh le note’ pasian dingin Jeroboam in hong bawlsak kham bawngnote note tawh a om manin, David’ suante’ khut sungah a om Topa’ kumpi gam do ding tu-in na ngaihsun uh hi.

Micah 1:7

A milim manphate khempeuh kisuzan gawp ding a, mei tawh kisusia ding hi. Pasian’ tungah a thuman lohna hangun mihingte in hih milimte nei uh ahih manin, a thuman lohna uh tawh kizui-in tu-in thuakkik ding uh hi, ci hi.