Hosea 8:3 - Tedim Bible

³ amaute in a hoih nate paaikhia uh ahih manin a galte un delh ding uh hi.

Tedim Bible Revision 2017

³ amaute in a hoih nate paai khia uh ahih manin a galte un delh ding uh hi.

Hosea 8:3 Referans Kwoze

Kah la 3:66

Amaute delhkek inla, leitung panin nuaimang gawp in,” ci ni.

1 TIMOTI MASA 5:12

a thuciam masak uh palsat uh ahih manin a mawh a suak uh hi.

Amos 1:11

Topa in hih bangin ci hi: Edom mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mualtung panin hong delhsuk uh a, theihkholh lohin a hong man khin uh hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Thu-hilhkikna 28:25

“Topa in na galte uh mai-ah note hong guallelsak ding hi. Amaute a do dingin lam khatah na kuan khawm ding uh a, amau’ mai-ah lam sagihin na taikeek ding uh hi. Leitung kumpi gamte khempeuh’ muhna-ah note a cikzethuai na hi ding uh hi.

Siampi Laibu 26:36

“Note’ sung panin galte’ leitangah a omlai mite tungah lungsim gimna ka tungsak ding hi. Nahthel ging in amaute taisak ding a, namsau mai-ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Hosea 8:2

Amaute in kei pen amau’ Pasian, hong ci-in, nangma mite hi ung, hong ci napi-in,

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siatna ding milim a bawl uh hi.