Hosea 8:1 - Tedim Bible

¹ Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Tedim Bible Revision 2017

¹ Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Hosea 8:1 Referans Kwoze

Hosea 6:7

Ahi zongin ka ciamna gam a tun uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Hosea 5:8

Galdona ding zaksakna-in Gibeah khua-ah tuutal ki tum unla, Ramah khua-ah peengkul tum un. Bethaven khua-ah pataukohna gingsak un. Benjamin mite aw, kithawi un!

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Habakkuk 1:8

“A sakolte uh kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin a galte a leenlak uh hi.

1 KORIN MASA 15:52

Peengkul nunung hong gin’ ciangin mitphiat kikal sungin i kikhelpak ding hi. Bang hang hiam cih leh peengkul hong gin’ ciangin misite a sithei nawn lo dingin hong tho ding a, i vekpi-in i kikheel ding hi.

Mattiu 24:28

“Sapul omna peuhah musane kikaikhawm ding hi.”

Zekhariah 11:1

Lebanon aw, mei in na taamtak kungte a kattheih nadingin na kongpite hong in.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Zefaniah 1:16

galdona ding peengkul a kitum ni, kulhnei khuapite le a tausangte a kisimna-in galkapte a kiko ni hi ding hi.

Amos 9:1

Biakna tau gei-ah Topa a ding ka mu a, hih bangin thu hong pia hi: “Biakinn bulpi khempeuh a kilin’ theih nadingin biakinn khuampiluzang nakpitakin satgawp in. Tuate satkham inla, mite’ luzang tusak in. Tua lai panin a suakta teng gal sungah ka sisak ding hi. A taikhia, a suakta, kuamah om lo ding hi.

Amos 8:3

Tua ni ciangin kumpi inn-ah lungdam lasakna awgingte, kahna awging suak ding hi. Mun khempeuhah misi dim ding a, mun citengah kipaithangin gamdai ding hi,” Topa in ci hi.

Amos 3:6

Khuapi sungah pataukohna gal peengkul a kitum ciangin mite lau loin ommawk thei ahi hiam? Topa’ tunsak lohpi-in khuapi sungah lauhuaina mawk tun ahi hiam?

Joel 2:1

Zion mualtungah peengkul tum unla, Pasian’ mual siangtho tungah pataukohna tum un. Topa ni hong naita ahih manin gam sung mi khempeuh lau ta uh hen.

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Ezekiel 16:59

“Topa Pasian in hih bangin ci hi. Nang in i kamciamna le i thuciamna don lo na hih manin nangma gamtatna bangin nang tungah kong gamta hi.

Ezekiel 7:14

“Amaute in gal peengkul tum uh a, a vekpi-un kiging uh hi. Ahi zongin mi khempeuh tungah ka hehna tungkim ding ahih manin galsim dingin kuamah kuankhia zo lo ding hi.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni, le Ashkenaz gamte simsak un. Makai khat teel unla, kauphe honpi zahin a tam sakolte va la un.

Jeremiah 48:40

Topa in kong cihin-ah: En in, muvanlai leeng bangin manlang takin gam khat hong leeng ding a, Moab gam a sim dingin a kha hong zal ding hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amaute’ pasal hinapi-in ka thuciamna a hong palsat uh hi, Topa in kong ci hi.

Jeremiah 6:1

Benjamin’ suante aw, na suahtak nadingun tai un. Jerusalem khua taisan un. Tekoa khua-ah peengkul tum unla, Bethlehem khua-ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 4:5

Judah gamah va gen unla, Jerusalem khua-ah va taangko un. Gam sung khempeuhah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Isaiah 18:3

Leitung a teng mi khempeuh, leitung a om mi khempeuh aw, mualte tungah lim khat hong kilah ciangin en un! Peengkul hong kimut ciangin ngai un!

2 KUMPI NIHNATE 18:27

Ahih hangin a ulianpa in amaute kiangah, “Ka topa in hih thute na topa uh le note tung bekah a gen dingin hong sawlin, amau’ ek mah ne-in, amau’ zun mah dawnin note tawh a siakhawm ding kulh tunga tu mite kiangah a gen lo dingin hong sawl ahi hiam?” a ci hi.

Joel 2:15

Zion mual tungah peengkul tumin an tanna ding thu pia unla, biak kikhopna khat nei un.

Jeremiah 34:18

Mite in kei’ mai-ah thuciamna a bawl uh ciangin bawngno phel nih suahin a kikalah a pai uh hi. Judah gam kumpi uliante, kumpi innsungmangte, siampite a kipan bawngno phel nih kikalah a pai khinsa gam sunga ka mite khempeuh in ka thuciamna hong mang loin, thuciamna sunga om thute a zuih kei uhleh amaute tua bawngno ka bangsak ding hi.

Jeremiah 49:22

En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,

Ezekiel 11:4

Tua ahih ciangin Ezekiel aw, hih mite tungah thukhenna thu gen in,” a hong ci hi.