Hosea 7:4 - Tedim Bible

⁴ Amaute zuautatin citak lo uh hi. Amaute pen, mohbawl pa in a anlom meek a pawm mateng, moh emna meikhuk sunga a tawhsa, mut loh seem lohin a koih phot mei tawh kibang uh hi.

Tedim Bible Revision 2017

⁴ Amaute zuautatin citak lo uh hi. Amaute pen, moh bawl pa in a anlom meek a pawm mateng, moh emna meikhuk sunga a tawh sa, mut loh seem lohin a koih phot mei tawh kibang uh hi.

Hosea 7:4 Referans Kwoze

Jeremiah 9:2

Sehnel gamlakah khawlna ding bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh behlaplap uh hi.

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo themkhat in annel lompi a pawmsak theih lamtak thei lo na hi uh hiam?

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Hosea 4:10

Amaute, pasian dangte a bia dingin kei kiang panin kiheikhia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.