Hosea 7:14 - Tedim Bible

¹⁴ Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Tedim Bible Revision 2017

¹⁴ Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Hosea 7:14 Referans Kwoze

Jeim 4:3

Pasian kiangah na nget sun uh ciangin zong note’ nopsak nading bek ngenin, na ngaihsutna uh man lo ahih manin a ngah lo na hi uh hi.

Jeremiah 3:10

Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute-ah kisial zawsopin, leitung nate bek ngaihsutin nei uh ahih manin Hell khuksung a tung ding uh ahi hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Amos 2:8

Biakna tau gei khempeuhah amaute lum uh a, sum leitawina hangin a puan kepsakte uh a phah uh hi. Amaute in a Pasian uh’ biakinn sungah leibate kiang pan a laksak uh leenggahzu a dawn uh hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Micah 2:11

Zuau genin khemna tawh thu gen kawikawi a, “Note a dingin leenggahzu le khamtheihzu tampi tak hong om ding hi,” a hong ci kamsangte pawl, note’ deih kamsangte ahi hi.

Isaiah 65:14

Ka nasemte in lungdamin la sa ding uh a, note in lungsim na sa-in kiko-in, lungsim gimna hangin na tau ding uh hi.

Thukhente 9:27

Amaute lo-ah kuanin a leenggui uh panin leenggah khawmin cil uh a, pawi khamin amaute’ pasian’ inn-ah pai uh a, an ne tui dawnin omin Abimelek zahko uh hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Amos 8:3

Tua ni ciangin kumpi inn-ah lungdam lasakna awgingte, kahna awging suak ding hi. Mun khempeuhah misi dim ding a, mun citengah kipaithangin gamdai ding hi,” Topa in ci hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna ding a, a nupi naupaiite uh kikuikham ding hi, a ci hi.

Hosea 3:1

Topa in kei kiangah thu hong genkik a, “Lawm a ngai khinsa, pasal tawh a lumkhawmsa numei khat tawh va kingai in. Israel mite, pasian dangte kiangah pai uh a, leenggahphehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Isaiah 52:5

Tu-in Babylon-ah tua bangmahin amaute tungah piang leuleu hi. Thu om lopi-in salin om uh hi. Amau a ukte, kihihsakna tawh awng uh a, sunthapai-in keima min kisimmawh hi.

Paikhiatna 32:6

Amaute zingsangin tho baih uh a, meihal biakna pia-in thunuama biakna zong a paipih uh hi. Pawi an ne-in mite tu uh a, zu khamin numei pasal kisawk ngeingai uh hi.

Kah la 2:18

Jerusalem aw, na kulhpite mahmah Topa tungah kikosak in! Sun le zanin na khitui gun tuiluang bangsak in. Dahna le kahna tawh na hun beisak in.

Hosea 8:2

Amaute in kei pen amau’ Pasian, hong ci-in, nangma mite hi ung, hong ci napi-in,

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Jeremiah 12:2

Nangmah in amaute na suan a, amaute in zong zung kha-in, khangin, gah hong gah uh hi. A kam uh tawh hong phat khem uh a, a lungsim uh nang tawh kigamla hi.

Hosea 13:9

No Israel-te kong sugawp ding hi. Kua in note hong huhzo ding ahi hiam?