Hosea 6:9 - Tedim Bible

⁹ Zawhthawh thu-in mi’ na a sut dingin a pangsim mite bangin siampite gamta uh a, biakna a pia dingin Shekhem khua-ah a pai mite nangawn, lamkalah a that uh hi. Amau gamtatna siahuai mahmah hi.

Tedim Bible Revision 2017

⁹ Zawhthawh thu-in miʼ na a sut dingin a pangsim mite bangin siampite gamta uh a, biakna a pia dingin Shekhem khua ah a pai mite nangawn, lamkal ah a that uh hi. Amau gamtatna siahuai mahmah hi.

Hosea 6:9 Referans Kwoze

Hosea 7:1

Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.

Hosea 5:1

No siampite aw, hih thu ngai un! No Israel mite aw, thudon un. Kumpipa’ innkuante aw, ngai un! Note in midangte tungah thu a khen ding hinapi-in, note tungah thukhenna hong tung ding hi. Bang hang hiam cih le note in mite’ awk nadingin Mizpah mualah thang na siah uh a, mite’ awk nadingin Tabor mualah ngenthang na hi uh hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bangcih ding ihi hiam?

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.

Ezekiel 22:9

Mi pawlkhatte in midangte a sih theih nadingin zuauthu phuak uh hi. Mi pawlkhat in milim biakna sa ne uh hi. Pawlkhatte amau’ lanna tawh kizui-in gamta tawntung hi.

Jeremiah 11:9

Tua ciangin Topa in hong hopih leuleu a, “Judah minamte le Jerusalem khuamite in kei hong langpang uh hi.

Ezra 8:31

Tua ciangin Jerusalem a zuan dingin kha masa a ni sawm le nih ni-in Ahava lui panin ka ding khia uh hi. I Pasian in kote hong ompih ahih manin lamkalah galte le pansimna a tuamtuamte tawh hong kipelhsak hi.

1 KUMPI MASATE 12:25

Tua ciangin Jeroboam in Efraim mualtung gam sungah Shekhem khua phutin tua lai-ah tawlkhat sung a teng hi. Tua ciangin amah paikhia-in Penuel a puah hi.

Sawltak 4:24

A lawmte un hih thu a zak uh ciangin a vekpi-un lungsim kikhatin Pasian’ kiangah thu ngen uh a, “Van le lei, tuipi tuineu le a sunga om khempeuh a piangsak Topa aw,

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Ezekiel 23:27

Na huknate le Egypt gam a kipan na gamtat hoih lohnate ka beisak ding hi. Milimte et-in na nei nawn kei ding a, Egypt-te zong na ngaihsun nawn kei ding hi.

Hosea 2:10

Tua ciangin ama it pasal dangte’ muhna-ah a puante hawkkhiatsakin a guaktangin ka omsak ding a, kuamah in kei’ khutsung panin honkhia zo lo ding hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh behlaplap uh hi.

Hosea 5:2

Note in mite’ kiat nadingin Shittim-ah gum a thukpi-in na to uh hi; hih thu hangin note kong thuhilh ding hi.

Piancilna 12:6

Abram in tua gam sung nawkin Shekhem mun, Moreh tawsaw phung dong a tung hi. Tua hunin tua lai-ah Kanaan mite teng lai hi.

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.