Hosea 6:6 - Tedim Bible

⁶ Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deihzaw hi.

Tedim Bible Revision 2017

⁶ Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

Hosea 6:6 Referans Kwoze

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Mattiu 12:7

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Paunak 21:3

Topa in biakpiakna sangin thuman thutang deihzaw hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.

Amos 5:21

Na biakna pawite uh mudahin ka deih kei a, na biak kikhopnate uhah ka lung a kim kei hi.

Isaiah 1:11

Topa in hih bangin ci hi: “Note’ biakpiakna a tampite pen kei’ tungah bang hi leltak ahi hiam? Tuutalte le ganhing thaute’ sathau tawh meihal biaknate ka kham ta hi. Bawngtalte, tuunote, le keelte’ si tawh kei ka lungkim kei hi.

Thuhilh-sia 5:1

Biakinn-ah na pai ciangin limtakin kingaihsun in. A man le a man lo a khen thei lo mihaite’ biakpiaknate tawh a kibang piakna sangin thu ngai dingin biakinn-a paina hoihzaw hi.

Jeremiah 22:16

Amah in mizawngte le mi cimawhte thuman tawh thu khen a, na khempeuh a hoih a suak pah hi. Tu-a banga hihna pen kei nong theihna uh hi lo ahi hiam, Topa in kong ci hi.

Mattiu 5:7

Midang a hehpih mite tungah Pasian in hehpihna pia ding ahih manin thupha ngah mi ahi uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

Jeremiah 7:22

Bang hang hiam cih leh Egypt gam panin na pute na pate uh ka lakkhiat lai-in ka hopih kei a, meihal biakna pia ding le biakpiakna a bawl dingin thu ka pia kei hi.

1 JOHAN MASA 3:6

Tua ahih manin Khrih tawh a kipawl mite in mawhna bawl nawn lo uh a, mawhna a bawl lai teiteite pen Pasian a mu ngei lo, a thei ngei lo ahi uh hi.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

Micah 6:6

Vantung Pasian, Topa biak nadingin bang va keng ding ka hi hiam? Amah biakna-in hal dingin bawngno thaute va paipih ding ka hi hiam?

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Isaiah 58:6

Kei’ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khahkhia-in thuman lohna hakkol khempeuh suktan ding ahi hi.

Hosea 2:20

Kei-a’ ahi tawntung dingin nang kong la ding hi. Tua ciangin Topa ka hih lamtak nong thei ding hi.

Late 50:8

Na biakpiakna uhah note kong mawhsak kei hi. Na meihal biaknate uh ka mai-ah om ngitnget hi.

Marka 12:33

Mite in a lungsim khempeuh, a pilna khempeuh, le a hatna khempeuh uh tawh Pasian itin, amau pumpi a it bangin a vengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupizaw takpi hi,” a ci hi.

Hosea 14:2

Topa’ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Joshua 5:5

Hong paikhia mite khempeuh vun a ki-at khit hangin Egypt panin hong paikhiat khit uh sehnel gam lamkal a suak mite khempeuh a vun uh ki-at nai lo hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.