Hosea 6:5 - Tedim Bible

⁵ Tua ahih manin note a hong thuhilh ding le note a hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.

Tedim Bible Revision 2017

⁵ Tua ahih manin note a hong thuhilh ding le note a hong taii dingin ka kamsangte kong sawl hi. No ka miteʼ gamtat ding ka deih zia kitel sinsen hi.

Hosea 6:5 Referans Kwoze

Jeremiah 23:29

Ka kammal pen mei tawh ahi a, suangtum a satnenzo sek tawh ahi zongin kibang hi lo ahi hiam, Topa in kong ci hi.

Jeremiah 1:10

Gam khempeuh le kumpi khempeuhte’ tungah a botkhia ding le a phelkhia dingin ahi zongin, a susia ding le a lawnkhia dingin ahi zongin, a lam ding le a phut dingin ahi zongin, tuni-in za, nang kong piazo hi,” hong ci hi.

Jeremiah 5:14

Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kangtum gawp ding hi.

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Mangmuhna 9:21

A mi thahna, a aisanna, a paktatna, le a guktaknate uh zong khawl tuan lo uh hi.

Mangmuhna 9:15

Tua ahih manin leitung mi khempeuh sehthumsuah sehkhat a thah ding uh a kum, a kha, a ni, a nai hun ngakin a kigingsa-in a om tua vantungmi lite a kikhahkhia hi.

Mangmuhna 2:16

Tua ahih manin na mawhna panun kisikkik un. Na kisik kei uhleh note kiangah kei hong pai baihin, ka kam panin a pusuak namsau tawh amaute ka do ding hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Sawltak 7:31

Moses in a muh ciangin lamdangsa a, a nai takin a muhtheih nadingin sawlpang kuang kiangah a va pai hi. Ahi zongin Topa’ awging za a,

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Ezekiel 43:3

Hih ka maangmuhna pen, Pasian in Jerusalem khuapi a susia dingin a pailai a ka muh leh Khebar Gun gei-a ka muh tawh kibang hi. Tua ciangin thakhatin leilak kidenna-in ka boksuk hi.

Ezekiel 3:9

Suang khempeuh sangin a sakzaw, diamond suang zahin a sakin na lungsim kong bawl ding hi. Tua ahih manin hih a lehdo thei mite kihta kei in,” a hong ci hi.

Jeremiah 13:13

Tua ciangin nangmah in amaute kiangah, ‘Topa in hong cihin-ah: En un, David’ tokhom tungah a tu kumpite, siampite, kamsangte, le Jerusalem khua-a a teng mi khempeuh a kipan gam sungah a om mi khempeuh zu tawh kidim sakin ka khamsak ding hi.

Jeremiah 1:18

En in, hih gambup langah a ding ding, Judah kumpite, uliante, siampite le hih gammi khempeuh langah a pang dingin tuni-in nang, khuapi muanhuai khat bang ahi zongin, sikkhuampi khat bangin ahi zongin, sumngo kulhpi khat bangin ahi zongin ka hong bawl hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Late 37:6

Amah in nangma dikna khuavak bangin, nangma thumanna nitaang bangin hong langsak ding hi.

JOB (Job) 34:10

“Ahi zongin thu ngaihsun thei a kinei note khempeuh in ka thugenna hong ngai un. Pasian a giloin gamta ngei ding a, Vanglianpa in a man loin sem ngei ding ahi hiam?

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu David’ Pasian, Topa in hih bangin ci hi: ‘Na pa Jehoshafat’ gamtat bang leh Judah kumpi Asa’ gamtat bangin gamta loin,

2 KUMPI NIHNATE 1:16

tua ciangin ama kiangah, “Topa in hih bangin ci hi: ‘Nangmah in Ekron pasian, Baalzebub kiangah thu a dong dingin kamtaite na sawl khin hi. Thudot nading Israel sungah Pasian om nawn lo ahi hiam? Tua ahih ciangin tu-a na liamna panin nang na damkikzo nawn kei ding a, na si taktak ding hi,’ ci hi,” a ci hi.

1 KUMPI MASATE 19:17

Jehu in Hazael’ namsau panin a suakta peuhpeuh that ding hi. Elisha in Jehu’ namsau panin a suakta peuhpeuh that ding hi.

1 KUMPI MASATE 18:17

Ahab in Elijah a muh ciangin, “Israel mite a lungkhamsak pa, nang na hi hiam?” a ci hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai-ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 KUMPI MASATE 14:6

Ahih hangin Ahijah in amah kongkhak hong tun a kheging a zak ciangin, “Hong tum in Jeroboam’ zi aw, bang hangin midang khat kineih na hi hiam? Nang a dingin thugik khat kei tungah hong kipia hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; Topa na Pasian’ hong thupiakna na zui kei hi; bang hang hiam cih le Topa in Israel-te tungah kumpi dingin nang le na suanlekhakte a kipsaksuak ding ahi hi.

Piancilna 18:25

Thuman mite, migilote tawh a kibat nadingin migilote tawh thuman mite thahkhawm ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

Efesa 6:17

Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.

1 SAMUEL MASA 15:32

Tua ciangin Samuel in, “Amalek-te’ kumpi Agag hih lai ka kiangah hong paipih in,” a ci hi. Tua ciangin Agag launa linna tawh ama kiangah hong pai hi. Agag in, “Sih ding lungkhamna hong tung taktak ta hi,” a ci hi.

1 SAMUEL MASA 15:33

Tua ciangin Samuel in, “Na namsau in nute ta bei-in a bawl mah bangin na nu zong ta bei hi ta ding hi,” a ci hi. Tua ciangin Samuel in Topa’ mai Gilgal-ah Agag a semnen hi.

Ezekiel 32:18

“Mihing ahi Ezekiel aw, Egypt mi tampite’ hangin kapin thum in. Misite’ omna Leinuai gamah a vanglian minam dangte tawh amaute paisak in. Amaute kiangah hih bangin ci in:

JOB (Job) 15:30

khuamial panin suakta lo ding hi. Amah pen a hiangte mei in a kattumsak, a paakte huih in a letkhiatsak, singkung tawh kibang ding hi.

Ezekiel 11:4

Tua ahih ciangin Ezekiel aw, hih mite tungah thukhenna thu gen in,” a hong ci hi.