Hosea 6:4 - Tedim Bible

⁴ Israel le Judah aw, note bang hong cih thei nawn ding ka hi hiam? Note’ hong itna pen zingsang meiilum bangin thengpak a, a mangthangpak daitui tawh kibang lel hi.

Tedim Bible Revision 2017

⁴ Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.

Hosea 6:4 Referans Kwoze

Hosea 13:3

Tua ciangin amaute pen zingsang a kaai meiilum, a maimangpak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Mattiu 13:21

Ahi zongin amaute sungah thuktum zo lo ahih manin tawlkhat sung bek um uh hi. Tua ahih manin Pasian’ thu hangin haksatna ahi a, bawlsiatna ahi zongin khat peuhpeuh a tun ciangin tawpkikpah uh hi.

Jeremiah 34:15

Zan diakin no na kisik kik uh a, na mipihte ciat uh suahtakna ding taangko-in, ka min tawh a kilo biakinnsung ka mai-ah thuciamna na bawl uh a, ka muhna-ah a kilawm na khat na sem khinzo uh hi.

Jeremiah 9:7

Tua ahih manin Vanglian Topa in a cihin-ah, “En un, amaute a siantho nadingun suangtui-in ka ze-et ding hi. Tua lo ka mite bangcih nawn ding ka hi hiam?

Jeremiah 5:23

Ahih hangin hih mite a lungsim uh khauhin kei hong langpan’ zen uh hi. Hong kiheisan uh a, hong paisan uh hi.

Jeremiah 5:9

Hih thute hangin amaute gim pia lo ding ka hi hiam? Topa in ka genin-ah, hici bang minam tungah thukkik lo ding ka hi hiam?

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusiazo uh a, pasian ahi lopite peuh tawh kiciamzo uh hi. Amaute a gilvah dong uh an ka vak khit ciangin amaute in angkawmin, numei paktatte’ inn-ah a hon om uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen gam nopci mahmah khat nang hong pia ning, ci-in ka ngaihsun hi.

Jeremiah 3:10

Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Hosea 7:1

Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.

Thukhente 3:12

Tua ciangin Topa’ muhna-ah Israel-te a sia gamta kik uh ahih ciangin Topa in Israel-te’ langkhatah Moab kumpipa Eglon thahatsak hi. Bang hang hiam cih leh Topa’ muhna-ah amaute a sia gamta uh hi.