Hosea 6:3 - Tedim Bible

³ Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Tedim Bible Revision 2017

³ Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Hosea 6:3 Referans Kwoze

Hosea 14:5

Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.

Jeremiah 24:7

Keimah Topa ka hihlam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amaute’ Pasian ka hi ding hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Zekhariah 10:1

Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

2 PETER NIHNA 1:19

Tua ahih manin kamsangte’ gen thute a man taktak ahihna thu ka teltheih uh hi. Note’ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.

Luka 1:78

I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak ding a,

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei ding uh a hun hita ahih manin lo thak lei kalkham un. Tua hileh kei hong pai-in note tungah thupha kong pia ding hi, ka ci hi.

Isaiah 54:13

“Topa in na tapate khempeuh hoihtakin hilh ding a, na tapate daupai mahmah ding uh hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

Hosea 2:20

Kei-a’ ahi tawntung dingin nang kong la ding hi. Tua ciangin Topa ka hih lamtak nong thei ding hi.

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Isaiah 32:15

Ahi zongin Pasian in ama kha hong puak ding hi. Leitang siate lei hoih suakkik ding a, lo-a ante hoih mahmahin tulak bang ding hi.

Late 65:9

Nangmah in leitung enin, guah na hong zusak a, leitung a hoihna nakpitakin na behlap hi. Pasian’ gunpi tui tawh kidim a, leitungah an na piangsak hi. Tua bangin nangmah in na khempeuh na bawlkhol hi.

Thu-hilhkikna 32:2

Ka thuhilhte guahmal bangin zu-in, ka thugente daitui bangin kia hen la, lo ngeek tunga guah phin leh ankung tunga guahzu bang tahen.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

JOB (Job) 29:23

Lo khote in khuapi guah deih mahmahin a ngak bangin, ka thugente khempeuh hoihtakin na sang uh hi.

Micah 5:7

Tua ciangin a omlai Israel mite pen Topa in minam tampite a dingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Late 19:4

Ahih hangin a aw uh leitung khempeuhah kizel a, a kammal uh leimong dongah a tung hi. Amau’ sungah ni a’ ding omna khat bawl khin a,

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

2 SAMUEL NIHNA 23:4

amah pen amaute tungah zingsang khuavak bangin taang ziazua a, meii kaai loh ni zingsang a ni taangkhia, leilak panin lopate a selsak guahtui tawh kibang hi.

Late 19:6

Ama suahna van mong pan hi a, mong khat dongin pai a, ama satna panin a kiliah thei bangmah om lo hi.

Late 63:8

Nangmah ka hong bel a, nangma taklam khut in keimah a hong len hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Hosea 14:6

Amaute meeng thakin oliv kung bangin melhoih ding uh a, Lebanon Mual bangin namtui ding uh hi.