Hosea 6:2 - Tedim Bible

² Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Tedim Bible Revision 2017

² Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Hosea 6:2 Referans Kwoze

2 KUMPI NIHNATE 20:5

“Kileh kik inla keima mite’ makai Hezekiah kiangah hih bangin gen in: Na thungetna ka za khin a, na khituite ka mu khin hi. En in, nang kong damsak ding a, ni thum ni-in Topa’ biakinn-ah na paito ding hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

Johan 14:19

Tawlkhat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Piancilna 17:18

Abraham in Pasian’ kiangah, “Ishmael hong nungtasak peuh lecin,” a ci hi.

ROM (Romans) 14:8

I nuntak leh Topa a dingin a nungta ihi a, i sih leh zong Topa a’ ding mahin a si ihi hi. Tua ahih manin i si a, i hing zongin Topa a’ ihi hi.

Late 61:7

Pasian’ mai-ah amah om ngitnget hen la, ama itna kip le a thumanna in amah kem tahen.

Late 71:20

Gimna lianpipi a hong tuaksak nangmah in kei nong hingkiksak ding a, lei thukpi sung panin nong lakhiato ding hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Hosea 7:2

Amau’ gamtatsiatna khempeuh ka phawk lamtak amaute in ngaihsutin neikha lo uh hi. Amau’ mawhna in amaute gakcip a, ka muhna mahmahah om gige uh hi.