Hosea 4:3 - Tedim Bible

³ Tua ahih ciangin leitang keugaw-in a tunga teng khempeuh si ding a, leitung a om gamsa khempeuh le huihlaka leeng vasa khempeuh tawh si mang ding uh a, tuipi sunga om ngasate nangawn si mang ding hi.

Tedim Bible Revision 2017

³ Tua ahih ciangin leitang keugaw-in a tunga teng khempeuh si dinga, leitung a om gamsa khempeuh le huihlak a leeng vasa khempeuh tawh si mang ding uh a, tuipi sunga om ngasate nangawn si mang ding hi.

Hosea 4:3 Referans Kwoze

Zefaniah 1:3

Mihing le ganhing, vana leeng vasa le tui sunga ngasa, a vekpi-in ka susia ding hi. Migilote ka susia ding a, leitung a om mihing khempeuh ka susia ding hi. Topa ahi keimah in hih thu ka gen khin hi.

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keugawpin Karmel Mual kausan a, Lebanon Mual a om pakpalhte a vul hi.

Amos 5:16

Tua ahih ciangin Topa, Vanglian Pasian in hih bangin ci hi: Mihon omna lamkabom khempeuhah mite in na sa-in thumin tau ding uh a, kongzing khempeuhah kap ding uh hi. Khuaneu a mite a thum dingin kisam ding a, a kah siam mite a kap dingin kicial ding hi.

Ezekiel 38:20

Ngasate le vasate, ganhing a neu a lian, le leitung a om mi khempeuh, keimah kihtakna hangin lau-in ling ding uh hi. Mualte pukin, keente cimin, kulh le phung khempeuh kicimmang ding uh hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Jeremiah 4:25

Ka khuadak leh mi khat beek ka mu kei a, vana vasate zong a leengmang khin uh hi.

Amos 8:8

Tua ahih manin zin hong ling ding a, leitung a om mi khempeuh a kap ding uh hi. Nail Gunpi bangin leitung khempeuh khangto-in kiamsuk ding hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin lonona gamteng keugawp a, Karmel mualdawn dum dide teng kausan ta hi,” a ci hi.

Isaiah 33:9

Leitang kinusiacipin om mawk hi. Lebanon muala tulak singte vulgawp a, Sharon gam lei hoihpen sehnel gam bang ta hi. Bashan le Karmel muala singtehte pulhmang khinta hi.

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Joel 1:18

A gilkial tuu le bawngte cimawhin tau uh a, lonona mun om nawn het lo ahih manin ganhing honte cimawh uh a, tuuhonte in zong haksatna thuak uh hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?