Hosea 4:15 - Tedim Bible

¹⁵ Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Tedim Bible Revision 2017

¹⁵ Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Hosea 4:15 Referans Kwoze

Hosea 12:11

Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih lohteng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Hosea 9:15

Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Amos 4:4

Israel mite aw, Bethel-a mun siangtho-ah va pai unla, tua lai-ah khialhna va bawl un. Gilgal-ah va pai unla, va khial semsem un. Zingsang simin biakna va pia unla, ni thum simin sawm-ah-khat pia un.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Amos 5:5

A bia dingin Beersheba-ah pai kei un. Bethel-ah kei hong zong kei un; a mawkna suak ding hi. Gilgal-ah zong lut kei un; Gilgal mite, sal a suak ding hi lel hi.

Hosea 10:8

Israel-te in milim bia-in mawhna a bawlna munte kisusia ding a, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong dengcip un,” a ci ding uh hi.

Hosea 10:5

Bethaven khua-a bawngno milim a taanna uh hangin Samaria khuapi sunga a teng mite lau-in ling ding uh a, amaute le tua milim na a sem siampite a thum ding uh hi. A etlawmna teng a maiman’ ciangin a tau ding uh hi.

Hosea 5:8

Galdona ding zaksakna-in Gibeah khua-ah tuutal ki tum unla, Ramah khua-ah peengkul tum un. Bethaven khua-ah pataukohna gingsak un. Benjamin mite aw, kithawi un!

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

Amos 6:10

Mi khatpeuh a sihna inn panin a vui dingin a si puakhia-in, a behte khatpeuh hong pai ciangin, innsung tawngah a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi; pau kei in. Topa’ min na lawhkhak ding kidawm in,” ci-in kidawngkik ding hi.

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Isaiah 48:1

Israel min tawh a kilo, Judah sung panin a piangkhia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Jeremiah 44:26

Ahih hangin Egypt gamah a om no Judah mite aw, Topa’ thugenna hong ngai un. En un, Topa in kong cihin-ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Joshua 5:9

Tua ciangin Topa in Joshua kiangah, “Tuni-in note’ tung panin Egypt gamah sal suakin na minsiatna uh ka zialkhia hi,” a ci hi. Tua ahih ciangin tua mun pen tuni dongin Gilgal kici hi.

Joshua 7:2

Joshua in Jerikho panin Bethel nisuahna lam Bethaven gei-a om Ai khua-ah mi sawlin amaute kiangah, “Paito unla a gam va en un,” a ci hi. Tua mite paito-in Ai khua va ensim uh hi.

2 KHANG TANGTHU NIHNATE 17:4

Israel-te’ gamtat bang hi loin ama pa’ Pasian zongin ama thupiakna a zui hi.

2 KHANG TANGTHU NIHNATE 21:11

Tua tham loin amah in Judah mualtung gamah mual dawna biakpiaknate bawl a, Jerusalem-a teng mite citak loin omsak a, Judah mite lampialsak hi.

Hosea 12:1

Israel mite, a nung kawikawi huih tawh kibang a, sun thapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.

Hosea 12:12

Aram gamah Jakob tai a, Israel in tua lai-ah zi khat thalawhin na sem a, zi thalawhna-in tuu a cing hi.