Hosea 4:14 - Tedim Bible

¹⁴ Na tanute uh a paktat manin gim ka pia kei ding a, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak-ah, “Thuhoih phawktheihna a nei lo mite in siatna thuak ding hi,” kici hi.

Tedim Bible Revision 2017

¹⁴ Na tanute uh a paktat manin gim ka pia kei dinga, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak ah, “Thuhoih phawk theihna a nei lo mite in siatna thuak ding hi,” kici hi.

Hosea 4:14 Referans Kwoze

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hebru 12:8

Tate’ thuak bangin thuhilhna le taiina thuak loin hong kikoih mawk leh ta taktak hi loin zawlta na hi lel ding uh hi.

Efesa 4:18

a ngaihsutnate uh khuamial tawh kibang hi. Amaute’ lungsim khauhin bangmah thei het lo uh ahih manin Pasian’ hong piak nuntakna neikha het lo uh hi.

1 KORIN MASA 6:16

Numei paktat tawh a pumpi a kizomsak pa pen tua numei tawh pumkhat sakhat a suak ahih lamtak thei lo na hi uh hiam? Bang hang hiam cih leh Lai Siangtho in, “Tua mi nihte pumkhat a suak ding uh hi,” na ci hi.

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Hosea 4:17

Israel mite, milim biak uuklua uh a, cihtheih hi lo hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Isaiah 56:11

Uite in nakpitakin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amau’ phattuamna ding bek a zong ciat uh hi.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

2 KUMPI NIHNATE 23:7

Tua ciangin amah in numeite in Asherah milim a dingin a kizang puante a gatna mun Topa’ biakinn sunga om a paktat pawlte’ innte a phelkhia hi.

1 KUMPI MASATE 15:12

Amah in gam sung panin pasal paktat pawlte koihkhia-in a pate’ bawlsa milim khempeuh khinkhia hi.

Thu-hilhkikna 23:17

“Israel ta numeite biakinn sunga a paktat pawlin om lo ding uh a, Israel tapate zong a paktat pawlin om lo ding uh hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpitakin milim biaknopna lungsim nei uh ahih manin Topa phawk kha lo uh hi.

Amos 2:7

Amaute in mizawngte’ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Gamlak-vakna 25:3

Tua ahih ciangin Peor-a Baal tawh Israel mite va kizomtawm hi. Israel mite tungah Topa heh mahmah a,

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsak pa in amaute tungah maipha lak lo ding hi.