Hosea 3:5 - Tedim Bible

⁵ Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Tedim Bible Revision 2017

⁵ Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Hosea 3:5 Referans Kwoze

Jeremiah 30:9

Topa, amau’ Pasian’ na ahi a, amaute’ kumpipa-in ka koih ding David’ na ahi zongin a semzaw ding uh hi.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Micah 4:1

Mailam hunah Topa’ biakinn a omna mual, a sangpen mual hong suak ding a, minam tampi in hong zuan ding uh hi.

Ezekiel 38:8

Minam tuamtuamte lak panin kikaikhawm kikin a gam uh a kitutkik zawh gallauna nei loin a om Israel mite’ gam a sim dingin kum tampi khit ciangin kong sawl ding hi. Sauveipi sung kinusia-in gamkhing a suak ngei hinapi-in, tu-in a mite khempeuh lungmuang takin a omna Israel mualtung gamte a sim ding na hi hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cih nading mel thei loin na om ding hi, Topa Pasian in ci hi,” a hong ci hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai dingzah in Pasian a zuat hun ciang dong ding bek ahi hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Ezekiel 38:16

khuapi huih in gam sung a nawkgawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lahtheih nadingin keima gam a sim dingin kong sawl ding hi.

Jeremiah 33:17

“Bang hang hiam cih leh Topa in kong cihin-ah: Israel mite’ kumpi dingin David’ suan sung panin mi kitasam ngei lo ding hi.

1 KUMPI MASATE 12:16

Kumpipa in amau’ thu a ngaih lohna Israel-te khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israel-te aw, na inn ciat uhah ciah un. Rehoboam in ama a’ ding vaihawmtawm ta hen,” a ci uh hi. Tua ahih ciangin Israel-te a inn ciat uhah kihem uh hi.

Thu-hilhkikna 4:30

Note in gimna thuakin, mailam hunah hih nate khempeuh note’ tungah hong tun ciangin, Topa na Pasian uh lamah kihei-in ama thu na mang ding uh hi.

Gamlak-vakna 24:14

“Tu-in en in, ka mipihte kiangah ka pai ding hi. Hong pai in; nidang ciangin hih mite in na mite’ tungah a bawl dingte kong theisak ding hi,” a ci hi.

Jeremiah 33:9

Jerusalem khuapi pen kei a dingin lungdamna, minphatna, le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a ling ding uh hi.

Jeremiah 30:24

A lungsim sunga a tupna teng a tangtunsak matengin, Topa’ hehna a lauhuaipi kilehkik lo ding hi. Hong pai ding hunte-ah note in na telzaw semsem ding uh hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Isaiah 9:13

Amaute a satpa’ lamah Israel mite kihei lo a, Vanglian Topa zong lo uh hi.

Isaiah 17:7

Tua ni ciangin mite in amaute a Bawlpa pi ngaihsut ding uh a, amaute’ mit in Israel-te’ Siangtho Pa en ding uh hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawhtai ding uh hi.

Isaiah 60:5

Tua ciangin nangmah in mu-in na maitai ding a, na lungsim lingin na lungdam ding hi. Bang hang hiam cih leh tuipi tawnin nangma kiangah van hong kipuak ding a, minamte’ hauhna khempeuh nangma kiangah hong tung ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?