Hosea 2:23 - Tedim Bible

²³ Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang pen kote’ Pasian na hi hi,” hong ci ding uh hi, Topa in a ci hi.

Tedim Bible Revision 2017

²³ Leitungah ka mite kipsakin a cithei-in ka bawl dinga, hehpih loh, a kici mite ka hehpih dinga, ka mi hi lo, a kici mite, ka mi na hi uh hi, ka ci dinga, amaute in, “Nang pen koteʼ Pasian na hi hi,” hong ci ding uh hi, Topa in a ci hi.

Hosea 2:23 Referans Kwoze

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

ROM (Romans) 3:29

Pasian, Jew mite’ Pasian bek hi a, Gentail mite’ Pasian hi lo ahi hiam? Gentail mite’ Pasian zong hi veve hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Malakhi 1:11

Leitung khempeuhah a om minam khempeuh in kei hong zahtak uh a, kei a dingin mun khempeuhah paknamtui halin, a kisangthei ding biakpiakna hong pia uh hi. Mi khempeuh in kei hong zahtak uh hi.

Hosea 1:6

Tua ciangin Gomer gaikikin tanu khat nei hi. Topa in zong Hosea kiangah, “Na tanu’ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak het kei ding hi.

Jeremiah 31:27

Topa in kong cihin-ah, “Israel gam le Judah gam, mihing le ganhing tawh ka dimsak hun hong tung ding hi.

Jeremiah 32:38

Amaute keima mi hi ding uh a, kei pen amaute’ Pasian ka hi ding hi.

Late 68:31

Egypt gam panin sumngo lakhiasak inla, Pasian’ tungah thungetna-in Ethiopia gam a khut zansak mengmeng in.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuauthu le bangmahin a kimang lo milimte longal bangmah dang a luah kei ding uh hi.

Late 118:28

Nang pen keima Pasian na hi a, nangma tungah lungdamna kong ko ding hi. Nang pen keima Pasian na hi a, nangmah kong phat ding hi.

Zekhariah 14:16

Tua bangin galte a kizawhgawp khit ciangin, galte sung panin a nungtalai mite in Vanglian Topa, kumpi ahihna hangin a bia ding le ama gualzawhna pawi a bawl dingin kumsimin Jerusalem-ah pai tawntung ding uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Late 72:16

Gam sung khempeuhah an tampi tak piang hen la, mual liante dawnah dim mema-in Lebanon gam hoih sung bang ta hen la, gamlak a lopate bangin khuapite sunga om mite pung ta uh hen.

Zekhariah 10:9

Minam dangte lakah amaute ka thehthang hangin a gamlapi panin kei hong phawk ding uh hi. Amaute le a tate uh suakta-in, a vekpi-un inn zuanin hong ciahkhawm ding uh hi.

Solomon la 2:16

Ka ngaihno keima a’ hi; kei zong ama a’ hi’ng. Amah in unok paakte lakah a tuu cing a,

Hosea 8:2

Amaute in kei pen amau’ Pasian, hong ci-in, nangma mite hi ung, hong ci napi-in,

Isaiah 44:5

“Khat in, ‘Kei pen Topa ka hi hi,’ ci-in, adang khat in Jakob min tawh ama min lo ding a, adang khat leuleu in, ‘Topa-a’, ci-in ama khut tungah gelhin, Israel min tawh amahmah kinophuah ding hi,” ci hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

Jeremiah 30:22

Tua ciangin note, ka mite na hi ding uh a, kei pen note’ Pasian ka hi ding hi,” a ci hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak ding a, gilkial na thuakkha nawn kei ding uh hi.