Hosea 2:20 - Tedim Bible

²⁰ Kei-a’ ahi tawntung dingin nang kong la ding hi. Tua ciangin Topa ka hih lamtak nong thei ding hi.

Tedim Bible Revision 2017

²⁰ Kei-aʼ ahi tawntung dingin nang kong la ding hi. Tua ciangin Topa ka hih lamtak nong thei ding hi.

Hosea 2:20 Referans Kwoze

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

1 JOHAN MASA 4:6

Ahi zongin note pen Pasian’ mite na hi uh hi. Pasian a thei mi peuhmah in kote’ thugen hong ngai uh a, Pasian’ pawl ahi lo mi peuhmah in kote’ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

Jeremiah 24:7

Keimah Topa ka hihlam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amaute’ Pasian ka hi ding hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Hosea 2:19

Israel aw, nang, zi-in kong neikik ding a, nang tungah thuman thutangin kong gamta kik ding hi. Nang hong itin kong hehpih tawntung ding a, keima-a’ na hi tawntung ding hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

Johan 8:55

Note in amah na thei ngei kei uh a, ahi zongin ke’n ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin ke’n amah thei ka hih manin ama thu ka mang hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sapa ka hihna thu hong theihna uhah kisathei uh hen. Topa in hih thu kong gen khin hi,” a ci hi.

2 TIMOTI NIHNA 1:12

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Hosea 13:4

Kei pen Egypt gam panin note a hong paikhiatpih note’ Topa Pasian ka hi hi. Tua hun lai-in kei simloh Pasian dang na thei kei uh a, note a hong honkhia pa kei bek ka hi hi.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deihzaw hi.

Hebru 8:11

A neupen pan a lianpen dongin mi khempeuh in hong thei ding uh ahih manin ‘Topa thei in,’ ci-in a ulenau le a mipihte kiangah kuamah in a hilh ding kisam nawn lo ding hi.

Isaiah 62:4

Nang pen a kinusia, hong kici nawn lo ding a, na leitang pen Gamkhing, kici nawn lo ding hi. Nang pen ama tungah ka lungkimna om, hong kici ding a, na leitang pen a Kitenpih, kici ding hi. Bang hang hiam cih leh nang tungah Topa lungkim a, na leitang pen a kitenpih zi tawh kibang ding hi.

Jeremiah 32:41

Amaute tungah hoihna ka bawl manin ka lungdam ding a, ka lungsim khempeuh tawh thuman takin hih gamah amaute ka phut ding hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Piancilna 9:10

note tawh a om nuntakna a nei peuhmah, vasate, innsate, note tawh a om leitung gamsa peuhmah, teembaw sung panin a paikhia zahzah peuhmah tawh ka thuciamna ka kipsak hi.

Siampi Laibu 26:5

Na cil uh ante leenggah lawh hun dong kimang ding a, leenggah minte zong lopawi hun dong kimang ding hi. Note in na khamtakun an na ne ding uh a, lungnuam takin na gam sung uhah na teng ding uh hi.

Siampi Laibu 26:6

“Keimah in gam sungah nopsakna hong pia-in, note lungnuam takin na lum ding uh a, bangmah in note hong lausak lo ding hi. Keimah in gam sung panin ganhing gilote ka hawlkhia ding a, galkidona in na gam uh hong nawk lo ding hi.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Jeremiah 30:10

“Tua ahih manin Topa in kong cihin-ah: Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte uh a saltanna uh panin ka honkhia ding hi. Jakob’ suante hong ciah ding uh a, nuamtakin a tengkik ding uh hi. Kuamah in amaute a lausak nawn kei ding hi.

Ezekiel 16:62

Nang tawh ka thuciamna ka bawlpha ding a, tua ciangin Topa ka hihna thu na hong thei ding hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuamtakin gamta-in a lum thei ding uh hi.

Ezekiel 34:27

Singkungte tampi tak gahin, lo-ah an tampi piang ding a, mi khempeuh a leitang ciat uhah nuamtakin teng ding uh hi. Sal ahihna panun ka mite suakta sakin, a kikhihna kolte uh ka sutsak khit ciangin, Topa ka hihna thu amaute in hong thei ding uh hi.

Micah 4:3

Amah in minam tampite’ thu khensak ding a, Israel gam panin a gamla pekah a om, minam vangliante’ thu khensak ding hi. Amaute in a namsaute uh lokhawhna tu-in seek ding uh a, a teipite uh singhiang heuhna temkawi-in seek ding uh hi. Minam khatlekhat kido nawn lo ding uh a, galkidona theikha nawn lo ding uh hi.

Zekhariah 9:10

Galkidona leengte Israel gam pan beisakin, sakol galkapte, Judah gam pan ka lakhia ding a, galdona a kizang thalte kisusia ding hi. Na kumpipa un minam dangte lakah kilemna thu gen ding a, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.