Hosea 2:19 - Tedim Bible

¹⁹ Israel aw, nang, zi-in kong neikik ding a, nang tungah thuman thutangin kong gamta kik ding hi. Nang hong itin kong hehpih tawntung ding a, keima-a’ na hi tawntung ding hi.

Tedim Bible Revision 2017

¹⁹ Israel aw, nang, zi-in kong neikik dinga, nang tungah thuman thutangin kong gamtakik ding hi. Nang hong itin kong hehpih tawntung dinga, keima-aʼ na hi tawntung ding hi.

Hosea 2:19 Referans Kwoze

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khrih tawh a kigawm dingin nungak siangtho bang na hi uh hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

Late 85:10

Itna kip le thutak kigawm ding a, thuman le kilemna kihual ding uh hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khrih tawh pumkhat na hihna uh hangin thukham tawh kisai thu-ah a sikhin na hi uh a, Pasian’ nasepna-ah eite a man nei i suahtheih nadingin sihna panin a kithokiksak Khrih tawh nupa na hi uh hi.

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

Ezekiel 39:29

Israel mite tungah ka kha ka sung ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 1:27

Topa thutang ahih manin Jerusalem khuapi honkhia ding a, a sungah a teng a kisik mi khempeuh zong a honkhia ding hi.

Joel 3:20

A kithat mite’ phu keimah in ka la ding a, a mawhte ka khahkhong kei ding hi. Judah gamah mi teng tawntung ta ding a, Jerusalem-ah a khangkhangin mi om tawntung ding a, Zion Mual-ah Topa a teng ding hi.” a ci hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Isaiah 54:6

Khangno lai-a zineih a kima, kinusia-in a dah mahmah zi a kisamkik bangin Topa in nang hong samkik hi, na Pasian in ci hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik ding a, lungsim takpi tawh amaute ka it ding hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.