Hosea 2:15 - Tedim Bible

¹⁵ Tua lai panin a leenggui lote ka piakik ding a, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungakno hun lai mah bangin ka thugennate hong ngai ding hi.

Tedim Bible Revision 2017

¹⁵ Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Hosea 2:15 Referans Kwoze

Ezekiel 28:26

Tua gam sungah lungmuang takin teng ding uh a, amaute in inn lamin, leenggui suan ding uh hi. Israel mite a simmawh minam dangte gim ka pia ding a, Israel mite ahihleh lungmuang takin om hithiat ding uh hi. Tua ciangin Topa amau’ Pasian ka hihna thu amaute in hong thei ding uh hi,” a hong ci hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Hosea 11:1

Israel a neu lai-in ka it mahmah a, Egypt gam panin ka tapa ka samkhia hi.

Joshua 7:26

Tua ciangin amaute in tuni donga a om suang honpi ama tungah a ciang uh hi. Tua ciangin Topa’ hehluatna a dai hi. Tua ahih ciangin tu dongin tua mun pen Akhor Kuam, kici hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuakkha loin, a ututun sungtumin pusuakin lonona mun a mu ding uh hi.

Amos 9:14

Ka mi Israel-te, amau’ gam ka tunkik ding a, a kisia a khuapite uh hoihtakin lampha kikin a sungah a teng ding uh hi. Amaute in leenggui suanin, huan bawlin, a sunga piangte a ne ding uh hi.

Ezekiel 16:60

Ahi zongin na neu lai-a nang tawh i thuciamna lenkipin, a kimang tawntung ding thuciamna nang tawh ka bawl ding hi.

Ezekiel 16:22

Hih bangin numei paktat nuntakna tawh a mindaihuai-in na om laitakin na neulai thu, guaktangin na omlai, sisan naisan lakah na kitomtom lai thu na phawkkha kei hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Isaiah 65:21

Amaute in inn lam ding uh a, a sungah teng ding uh hi. Amaute in leenggui lo bawl ding uh a, a gah ne ding uh hi.

Zekhariah 9:12

Lametna a om no salte aw, ciahkik unla, a muanhuai mahmah na mun ngei uh zuankik un. Note’ thuaknasa a zah nihin thupha ka hong piakna ding tuni-in note kiangah ka hong gen hi.

Kah la 3:21

Ahi zongin ka phawk giugiau thu khat in lametna khat hong nei theisak hi.

Jeremiah 32:15

Bang hang hiam cih leh Vanglian Topa, Israel mite’ Pasian in a hong genin-ah: Hih gamah innte, lote le leenggah lote mite in a leikikta ding uh hi,’ ci-in ka gen hi.

Late 106:12

Tua ciangin amaute in ama thu um uh a, amah phatna la a sa uh hi.

Gamlak-vakna 21:17

Tua ciangin Israel mite in hih la sa uh hi: “Tuikhuk aw, phul in! La kong sak ding uh hi.

Hosea 12:9

Egypt gamah na omlai pek uh a kipanin kei pen note’ Topa Pasian ka hi a, ahi zongin tu-in tanglai hun bangin puanbuk sungah note kong tengsakkik ding hi.

Isaiah 65:10

Amaute in kei hong bia ding uh a, Sharon gam pen amau’ tuuhon gamtatna mun suaksak ding uh a, Akhor Kuam pen amau’ bawng honte’ lupna mun a suaksak ding uh hi.

Hosea 2:12

Ka pasal it dangte in thamanin hong piak hi, ci-in a gen a leengguite le a theikungte ka susia ding a, gamsate in tuate suksiatsakin gamlakpi a suak ding hi.

Late 129:1

“Ka neu lai a kipanin nakpitakin amaute in kei hong gimsak uh hi,” Israel in tu-in ci tahen.

Jeremiah 2:1

Topa in kei hong hopih a,

Jeremiah 3:4

“Tumahin kei nong sam a, ‘Ka pa aw, ka neulai pek pan ka lawm na hi hi

Jeremiah 29:11

Bang hang hiam cih leh Topa in kong cihin-ah, mai lamah lametna note kong piakkik ding, na siatna ding uh hi loin na phattuamna ding uh geelna ka neihte kei bek in ka thei hi.

Ezekiel 28:25

Topa Pasian in kei kiangah, “Minam tuamtuamte lakah ka thehthangna panin Israel mite ka kaikhawm kik ding a, kei pen a siangthopa ka hihna thu minam khempeuh in hong thei ding uh hi. Tua ciangin ka nasempa Jakob ka piak leitang ahi amaute’ gam sungah Israel mite a teng ding uh hi.

Hosea 12:13

Topa in kamsang khat zangin Egypt panin Israel-te paikhiatpih a, kamsang khat’ nasepna tawh amaute suakta-in a nungta uh hi.

Hosea 13:4

Kei pen Egypt gam panin note a hong paikhiatpih note’ Topa Pasian ka hi hi. Tua hun lai-in kei simloh Pasian dang na thei kei uh a, note a hong honkhia pa kei bek ka hi hi.

Thukhente 8:34

Israel mite in, mun khempeuh panin amau’ galte’ khutsung pan a honkhia Topa a Pasian uh phawk lo uh hi.

1 KUMPI MASATE 16:31

Nebat’ tapa Jeroboam’ khialhnate zuih ding ama a dingin a thuzang tawh a kibat mah bangin, amah in Sidon mite’ kumpi Ethbaal’ tanu Jezebel zi-in la a, pai-in Baal na semin a bia hi.