Hosea 2:14 - Tedim Bible

¹⁴ Tua ahih ciangin sehnel gamah amah ka paipihkik ding a, itna kam tawh hopihin ka zolkik ding hi.

Tedim Bible Revision 2017

¹⁴ Tua ahih ciangin sehnel gamah amah ka paipihkik dinga, itna kam tawh hopihin ka zolkik ding hi.

Hosea 2:14 Referans Kwoze

Mangmuhna 12:6

A numei pen Pasian in ama a dingin a bawl kholhsakna mun gamlakah tai a, tua munah ni tulkhat zanih sawmguk sung kikhoi ding hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlakah a kikep nading munah a leentheih nadingin muvanlai gol mahmahte’ kha tawh a kibang kha nih tua numei a kiguan’ hi.

Piancilna 34:3

Amah in Jakob’ tanu Dinah hoihsa mahmah ahih manin itin kamkhum takin hopih hi.

Johan 6:44

Kei hong sawl Pa in a kaih loh mite ka kiangah hong pai thei lo ding a, ka kiangah hong pai mite nitawp ni ciangin ka hingsak ding hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a ommah bangin, a puanteng hawkkhiatsakin a guaktangin ka omsak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Ezekiel 20:10

“Tua ahih ciangin Egypt gam panin amaute paikhiatpihin gamlak ka tunpih a,

Jeremiah 16:14

“Tua ahih manin, en un, Topa in kong cihin-ah, kuamah in, ‘Egypt gam panin Israel mite a hong lakhia Topa a nuntak bangin,’ ci-in kei’ minin a kiciam nawn loh hun hong tung ding hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Solomon la 1:4

Hong kai inla zawltai ni. Ka kumpi hong hi inla, na inn-ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaihkhak tuahpha ing.

Thukhente 19:3

Tua ciangin a pasal dingkhia-in kam nem tawh a hopih ding le a ciahpih kik dingin tua nu’ nungah a pai hi. Amah in a nasempa le a la nih tonpih hi. A sungpa’ inn-ah tung a, a sungpa in amah a muh ciangin lungdamna tawh a dawn dingin hong pai hi.

Johan 12:32

Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

JOB (Job) 36:16

Pasian in lungkhamna panin nang hong paikhiatpihin, lungnuam takin nang hong omsak a, na sabuai tungah anlim nono kilui venvan hi.

Ezekiel 20:33

“Kei pen a nungta Topa Pasian ka hih mah bangin, khut khauh tak le ka vangliatna le ka hehna tawh note kong ukgawp taktak ding hi.

Micah 4:10

Jerusalem khuamite aw, numei nausuak ding bangin na tha uh san un. Tu-in kumpi khuapi nusia-in, gam sung khua-ah a teng ding na hita uh a, Babylon khuapi a zuan ta ding na hi uh hi. Ahi zongin tua lai panin note hong kihonkhia-in, na galte uh khutsung panin Topa in hong khahkhia ding hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka lakhia ding a, kinemang ding hi. A gawl ka susia ding a, kituancil ding hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lamsate ka phelkik a, ka phuhsate ka botkhia kik hi. Keimah in leitung buppi tua bangin ka hih ding hi.

Micah 1:7

A milim manphate khempeuh kisuzan gawp ding a, mei tawh kisusia ding hi. Pasian’ tungah a thuman lohna hangun mihingte in hih milimte nei uh ahih manin, a thuman lohna uh tawh kizui-in tu-in thuakkik ding uh hi, ci hi.