Hosea 2:10 - Tedim Bible

¹⁰ Tua ciangin ama it pasal dangte’ muhna-ah a puante hawkkhiatsakin a guaktangin ka omsak ding a, kuamah in kei’ khutsung panin honkhia zo lo ding hi.

Tedim Bible Revision 2017

¹⁰ Tua ciangin ama it pasal dangteʼ muhna ah a puante hawk khiatsakin a guaktangin ka omsak dinga, kuamah in keiʼ khut sung panin hon khia zo lo ding hi.

Hosea 2:10 Referans Kwoze

Ezekiel 23:29

Amaute zong nangma tungah hong muhdah gamtat ding uh a, na thalawhsa na khempeuh hong laksakin na hawmguakin hong nusia ding uh hi. Na paktat gamtatnateng hong kipholak ding hi. Na hukna le na paktat gamtatna in

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Micah 5:8

A omlai Israel mite pen minam dangte’ lakah, gamlakah sa a beng, tuute a tuah ciangin manin balnen gawp a, a kam sung pan a honkhiazo a om lo, humpinelkai a bang ding uh hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a ommah bangin, a puanteng hawkkhiatsakin a guaktangin ka omsak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Jeremiah 13:26

Kei mahmah in na nik kong hawksak ding a, kong maizumsak ding hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawkgawp a, a hong kibuan gawp ahi hi.

Isaiah 3:17

Topa in Jerusalem numeite’ lutang meima sakin Topa in amau’ lutang kolhsak ding hi.

Paunak 11:21

Migilote in gim a thuak hamtang nading, midikte gimna tawh a kipelhna ding teltakin thei in.

Late 50:22

“Tua ahih ciangin Pasian a mangngilh mite aw, hih thu ciamteh un. Tua hikeileh note kong balgawp ding hi. Note hong honkhia ding kuamah om lo hi.

Hosea 6:9

Zawhthawh thu-in mi’ na a sut dingin a pangsim mite bangin siampite gamta uh a, biakna a pia dingin Shekhem khua-ah a pai mite nangawn, lamkalah a that uh hi. Amau gamtatna siahuai mahmah hi.

2 KHANG TANGTHU NIHNATE 24:7

Bang hang hiam cih leh tua a gilo numei Athaliah le a pawlte in Pasian’ biakinn luh uh a, Topa’ biakinn sunga om a ki-ap nate khempeuh zong Baal-te a dingin zang uh hi.

Ezekiel 16:16

Na puan pawlkhatte, na biakna mun zep nadingin na zang a, numei paktat bangin mi citeng tungah na pumpi na pia hi.

Ezekiel 16:19

Na nek dingin a limci pen annel, oliv thau, le khuaizu kong pia a, ahi zongin milim maipha zon nadingin biakna-in tuate na zang hi.

Hosea 10:1

Israel mite ahihleh a gahpha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoihbawl semsem uh hi.

Hosea 13:1

Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.