Hosea 2:1 - Tedim Bible

¹ Tua ahih ciangin na Israel mipihte, “Pasian’ mi,” ci inla, “Topa in a hehpih mite,” zong ci in.

Tedim Bible Revision 2017

¹ Tua ahih ciangin na Israel mipihte, “Pasianʼ mi,” ci inla, “Topa in a hehpih mite,” zong ci in.

Hosea 2:1 Referans Kwoze

1 PETER MASA 2:10

Nidangin Pasian’ mi na hihloh uh hangin tu-in ama mi na hi uh a, nidangin Pasian’ hehpihna na theih loh uh hangin tu-in ama hehpihna na ngah uh hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang pen kote’ Pasian na hi hi,” hong ci ding uh hi, Topa in a ci hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Ezekiel 37:27

Amaute tawh tengkhawmin, amaute’ Pasian ka hi ding a, amaute pen keima mite hi ding uh hi.

Ezekiel 36:28

Tua ciangin na pu na pate uh tungah ka piaksa gamah na teng ding uh a, note pen keima mi hi-in, kei pen note’ Pasian ka hi ding hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute pen keima mi hi-in, kei pen amaute’ Pasian ka hi ding hi.

Jeremiah 32:38

Amaute keima mi hi ding uh a, kei pen amaute’ Pasian ka hi ding hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Hosea 2:2

Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Piancilna 22:17

Nang thupha kong pia taktak ding a, na suanlekhakte vana aksite le tuipi gei-a sehnel bangin tampi ka phasak ding hi. Na suanlekhakte in amau’ galte’ khuapite luah ding uh a,

Jeremiah 51:5

Bang hang hiam cih leh Israel le Judah mite Israel mite’ Siangtho Pa tungah a khialh uh hangin, amaute’ Pasian, Vanglian Topa in amaute taisan nai lo hi.

Ezekiel 36:11

A mihing a ganhingin kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Nidangin na om ngei bangun kong omsakkik ding a, a nidang sangin a cithei zaw-in kong bawl ding hi. Tua ciangin Topa ka hihna thu na hong thei ding uh hi.