Hosea 14:9 - Tedim Bible

⁹ Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Tedim Bible Revision 2017

⁹ Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Hosea 14:9 Referans Kwoze

Paunak 10:29

Topa in midikte hu a, migilote a susia hi.

Late 107:43

A pil peuhmah in hih thute don hen la, Topa’ itna kip lungngaingai tahen.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Jeremiah 9:12

Tua ciangin keimah in, “Hih thu a theitel ding mipil kua om ahi hiam? Hih thu a gentel theih nadingin Topa in kua tungah hilhtel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Isaiah 26:7

Midik pa’ lampi tamkim a, nangmah in midik pa’ lampi na neelsak hi.

Late 119:128

Tua ahih ciangin na thuhilhnate khempeuh tawh a kituakin kei ka gamta a, a man lo lampi khempeuh ka mudah hi.

Late 119:75

Topa aw, nangmah biakna ngeina kipte man hi, ci-in ka thei a, na thumanna hangin kei gim na hong pia hi.

Piancilna 18:25

Thuman mite, migilote tawh a kibat nadingin migilote tawh thuman mite thahkhawm ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

ROM (Romans) 7:12

Tua ahih ciangin Thukham mahmah hitaleh thupiaknate hitaleh hoihin man a, siangtho hi.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Luka 7:23

Kei hong umte pen a lungdamhuai mahmah ahi hi,” ci-in a dawng hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholhpih nop loh mite tawh a kikhawlpa,’ ci leuleu uh hi. Ahi zongin Pasian’ pilna a man taktakna thu a gah panin hong kilang hi,” a ci hi.

Ezekiel 18:25

“Ahi zongin note in, ‘Topa’ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomau’ ngaihsutna zia hizaw hi.

Isaiah 1:28

Ahih hangin a lehdo mite le a khial mite kisusia khawmin Topa a nusiate pen kibeimangsak ding hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Late 84:7

Amaute a paikawmun a tha uh hat semsem a, pasian-te’ Pasian Zion-ah mu ding uh hi.

Late 84:5

Nangma tung panin thahatna ngahin Zion zuatna lampi a tawn nuam mite thupha ngah mi ahi uh hi.

JOB (Job) 17:9

Mite’ zahtaka a kinei mite in amau’ ngaihsutna uh man mahmah sa semsem uh hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Paunak 16:21

Lungsim pilte thumuhna tawh kampau uh a, amau’ kam khumna zaknophuai kisa semsem hi.

Isaiah 17:8

Amaute in amau khut tawh a bawlsa uh biakna taute don lo ding uh a, amau’ bawlsa Asherah milimte hitaleh paknamtui halna biakna taute hitaleh muanin nei nawn lo ding uh hi.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, ke’n zong kong dawng ding hi.

Ezekiel 11:18

Amaute hong ciahkik ciangin a nin nate khempeuh le a muhdahhuai milimte khempeuh a nilkhia ding uh ahi hi.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Zekhariah 10:6

Judah mite ka thahatsak ding a, Israel mite ka honkhia ding hi. Amaute ka khasiat ding a, inn-ah ka ciahpih ding hi. Amaute cikmah hunin ka nial ngei loh bang keekin nuamtakin a om ding uh hi. Kei pen Topa, amau’ Pasian ka hi a, amau’ thungetnate ka pia ding hi.