Hosea 14:2 - Tedim Bible

² Topa’ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Tedim Bible Revision 2017

² Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Hosea 14:2 Referans Kwoze

Hebru 13:15

Tua ahih manin Jesuh tungtawnin amah i biakna-in i kam tawh ama min pulakin Pasian phat tawntung ni.

JOB (Job) 7:21

Bang hangin ka khialhna hong maisak lo a, ka mawhna hong maisak lo na hi hiam? Tu-in han sungah ka lum ding a, nong zonzon hangin ka na om nawn kei ding hi,” a ci hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.

1 PETER MASA 2:5

Note zong nuntakna a piathei suangpi mah bangin kha thu tawh kisai biakinn lam nadingin na kizang unla, Jesuh Khrih hangin Pasian’ santheih biaknate a pia dingin a siangtho siampi na suak un.

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Joel 2:17

Topa’ na a sem siampite, biakinn sung innliim le biakna tau kikalah kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om ahi hiam,’ ci-in kote hong simmawhsak kei in. Amaute’ nuihsatin kote hong omsak kei in,” ci uh hen.

2 SAMUEL NIHNA 24:10

Ahih hangin mi a sim khit ciangin David’ lungsim in amahmah gimsak hi. Tua ciangin David in Topa’ tungah, “Ka gamtatnasa sungah nakpitakin ka khial hi. Ahih hangin, tu-in, Topa aw, nang tungah kong thum hi; na nasempa’ mawhna hong maisak in; bang hang hiam cih leh ka hai gamtatkha khin hi,” a ci hi.

2 SAMUEL NIHNA 12:13

David in hih thu a zak ciangin Nathan kiangah, “Topa’ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Hebru 10:4

Tua hi a, bawngtal sisan le keel sisan in mawhna siangsakzo ngei lo hi.

ROM (Romans) 11:27

Amaute’ mawhna ka maisak ciangin hih ka thuciamna ka pia ding hi,” ci-in gen hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Luka 11:13

Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Mattiu 7:11

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

Zekhariah 3:4

Vantung mi in ama sawltak van midangte kiangah, “Hih mipa’ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paihkhiatsak khin a, tu-in na silh dingin puan thak ka hong pia ding hi,” a ci hi.

Isaiah 6:7

Amah in ka muk hong bi a, “En in, hih in na muk sukha zo hi; na mawhna beita a, na khialhna kimaisak zo hi,” hong ci hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Late 50:14

Lungdam biakpiakna Pasian tungah pia unla, Sangpenpa tungah na thuciamnate uh bawl un.

Late 51:16

Bang hang hiam cih leh ganhing tawh biakna na deih kei hi. Meihal biakna hong pia hita leng zong, na lungdam kei ding hi.

Late 51:17

Pasian’ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

Late 119:108

Topa aw, phatin kong biaknate hong sang inla, nangmah biakna ngeina kipte kei hong hilh in.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deihzaw hi.

Jonah 2:9

Ahih hangin ke’n ahihleh lungdamna aw tawh biakna kong pia ding a, ka ciamsa thu ka tangtungsak ding hi. Topa’ kiang pan hotkhiatna hong pai hi,” a ci hi.

Isaiah 44:22

Na thupalsatnate meiipi bangin na khialhnate meiilum bangin ka phiatkhia khinzo hi. Hong honkhia khin ka hih manin kei kiangah hong ciahkik in.

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Hosea 5:5

Israel-te’ kiphatsakna pen amau mah’ siatna ding ahi hi. Amau’ mawhna in amaute puksak ding a, Judah mite in zong pukpih ding uh hi.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.