Hosea 13:2 - Tedim Bible

² Tua hinapi-in amaute khialthuah semsem uh a, a biak ding uh milim a bawl uh hi. Amau’ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Tedim Bible Revision 2017

² Tua hi napi-in amaute khial thuah semsem uh a, a biak ding uh milim a bawl uh hi. Amauʼ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Hosea 13:2 Referans Kwoze

Hosea 2:8

Ama tungah an, leenggahzu, le oliv thau ka piakna, le Baal pasian biak nadingin a zat ngun le kham tampi tak a piapa ka hihlam hong phawkkha lo hi.

Isaiah 46:6

Sumbawm panin khamte uang zatin tawitehna tawh ngunte a tehkhiate in kham seekpa cial uh a, amah in tua nate pen pasian-in a seeksak hi. Tua ciangin amaute kunin tua milim a bia uh hi.

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tul sagih Israel sungah ka siit ding hi,” a ci hi.

Jeremiah 10:4

Mite in tua pen kham le ngun tawh zem uh a, a kilakkhiat theih loh nadingin sik tawh a kilh uh hi.

ROM (Romans) 11:4

Ahi zongin Pasian in, “Baal milim a bia nai lo mihing tulsagih ka nei lai hi,” ci-in a dawng hi.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Hosea 11:6

Galte in a khuapi sung uh luhin, a khuapi kulhkongpi zawlte uh suktansak ding hi. Ka mite in thu hoih lo zuikha uh ahih manin gal in susiamang ding hi.

Hosea 10:1

Israel mite ahihleh a gahpha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoihbawl semsem uh hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siatna ding milim a bawl uh hi.

Isaiah 46:8

“Thu a palsat mite aw, hih thu phawkin ngaihsun unla, lungngai pha un.

Isaiah 45:20

“Minamte sung panin a suaktalai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 30:1

Topa in, “Kei’ ngimna hilopi-in thu vaihawmna a semkhia, kei’ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a bel ding le Egypt’ liahna a zong dingin Egypt gamah paisuk dingin a kuankhia, a lehdo mite in gimna ngah tahen.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

2 KHANG TANGTHU NIHNATE 33:23

A pa Manasseh a kiniamkhiat bangin Topa’ mai-ah amah kiniamkhiat lo a, hih Amon in mawhna tam piangsak semsem hi.

2 KHANG TANGTHU NIHNATE 28:13

amaute kiangah, “Tuhuna i khialhnate le i mawhna behlapin Topa’ tungah mawhna eite tungah behlap hong sawm na hih manun hih lai-ah galmatte nong tunpih kei ding uh hi. Bang hang hiam cih leh i mawhna lian khinzo a, Israel tungah a lauhuai hehna om hi,” a ci uh hi.

1 SAMUEL MASA 10:1

Tua ciangin Samuel in sathau thawl khat la a, ama lu tungah buakin amah nam a, “Topa in ama mi Israel-te tungah ulian dingin nang sathau hong nilh khin hi lo ahi hiam? Nangmah in Topa’ mite ukin a kiima om amau’ galte’ khutsung panin amaute na honkhia ding hi. Topa in ama luahte tungah ulian dingin nang sathau hong nilh khitna lim hih bang hi ding hi:

Gamlak-vakna 32:14

En un, Israel mite tungah Topa’ hehluatna a khangsakto lai dingin, na pu na pate uh’ tangin hong khang na hi uh hiam!

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Hosea 4:17

Israel mite, milim biak uuklua uh a, cihtheih hi lo hi.

Hosea 8:5

Samaria khuapi mite in a biak kham bawngno ka deih kei hi. Tua a bia mite tungah ka heh hi. Amaute in mihoih a suahna ding uh bang tanvei ngak lai ding ahi uh hiam?

Hosea 10:5

Bethaven khua-a bawngno milim a taanna uh hangin Samaria khuapi sunga a teng mite lau-in ling ding uh a, amaute le tua milim na a sem siampite a thum ding uh hi. A etlawmna teng a maiman’ ciangin a tau ding uh hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Isaiah 44:11

Milim a bia mite khempeuh in maizumna ngah ding uh hi. Milim a bawl khutsiamte pen mi hilel uh hi. Amaute khempeuh kikhawm sakin dingsak un. Amaute nakpitakin kilausak ding a, a vekpi-un maizumin kikoih khawm ding hi.

Jeremiah 8:5

Tua ahihleh bang hangin hih mite lam khialin hong kilehkik nawn lo ahi uh hiam? Zuau pasian milimte lenkip uh a, hong kilehkik nuam lo uh hi.

Hosea 11:2

Ahi zongin limsap semsem leng gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.