Hosea 13:14 - Tedim Bible

¹⁴ Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Tedim Bible Revision 2017

¹⁴ Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Hosea 13:14 Referans Kwoze

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

Mangmuhna 21:4

Amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna, le na sa-a kahna cihte om nawn lo ding hi,” a ci hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

Late 49:15

Ahih hangin Pasian in Leinuai’ vangliatna panin kei hong honkhia ding hi; bang hang hiam cih leh amah in kei hong sang ding hi.

Late 30:3

Topa aw, Leinuai panin kei nong paikhiatpihto khin a, Leihawm sungah a pai khinsate lak panin kei nong nungta kiksak hi.

JOB (Job) 33:24

Vantung mi in amah a hehpihna hangin, ‘Amah suaktasak in. Misite gamah paisak kei in. Amah tatkhiatna ding hih lai-ah om hi,’ a ci ding hi.

ROM (Romans) 11:29

Bang hang hiam cih leh Pasian in a teel mite le thupha a piak mite tawh kisai-in a thu dokkik lo hi.

Late 86:13

Bang hang hiam cih leh keimah na hong itna kip lian mahmah a, Leinuai thuk sung panin kei nong honkhia khin hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

1 SAMUEL MASA 15:29

Israel-te’ minthang Pasian in zong zuau gen lo ding a, zong kisik lo ding hi; bang hang hiam cih leh a kisik dingin amah mi hi lo hi,” a ci hi.

Mangmuhna 20:13

Tuipi sungah a om misite, tuipi in hong pusuah a, Sihna le Misite’ Gam in zong amau sungah a om misite hong pusuah uh hi. Tua ciangin a vekpi-in amaute’ gamtatnasa tawh kizui-in thu a kikhen hi.

1 THESALONIKA MASA 4:14

Jesuh si-in thokik hi, ci-in i up mah bangin Pasian in Jesuh hong paipih kik ciangin amah umin a si mite zong hong tonpih ding hi, ci-in i um hi.

2 KORIN NIHNA 5:4

Hih leitung pumpi tawh ka om uh laitakin lungkhamin ka khuisasa uh hi. Hih ka leitung pumpi uh ka nusiat nopna hang uh hi loin a sithei pumpi pen a sithei nawn lo pumpi tawh a kilaih theih nadingin ka vantung pumpi uh ka deihna hang uh ahi hi.

ROM (Romans) 11:15

Amaute a kinialna hangin Pasian tawh leitung mi khempeuh kipawl theihna piang ahihleh amaute a kisan’ hun ciangin a sisate nangawn a hinkikna hong hita ding hi.

Malakhi 3:6

“Kei, Topa ka hi a, lungsim a kheel lo mi ka hi hi. No Jakob suanlekhakte aw, a siacimit na hi nai kei uh hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 71:20

Gimna lianpipi a hong tuaksak nangmah in kei nong hingkiksak ding a, lei thukpi sung panin nong lakhiato ding hi.

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Mangmuhna 6:8

Ka khuadak leh sakol puang khat ka mu a, a tungah a tuang pa’ min pen Sihna hi a, a nungah Hell in a zui hi. Amaute in namsau, kialpi, pulnatna, le gamsate tawh leitung mi sehlisuah sehkhat a thahtheih nadingun thu a kipia hi.

Jeremiah 20:16

Topa in hehpih loin a lumlet khuapite tawh tua pa kibang tahen. Zingsangin kahna aw za hen la, sun ciangin patauhna aw za tahen.

Jeremiah 31:35

Topa in sun-a khuavak dingin ni hong pia a, zan a khuavak dingin a kikheel ngei lo kha le aksite hong pia hi. Tuipi a lawh ciangin tuihualte ging zuazua a, ama min pen Vanglian Topa kici hi.

Ezekiel 37:9

Tua ciangin amah in kei kiangah, “Mihing ahi Ezekiel aw, huihte tungah thu gen inla, hih a sisa pumpite sungah hu sangin a hingkiksak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

JOB (Job) 41:22

A ngawng zong thakhauh mahmah ahih manin, a gim thei het lo thatang a nei ahi hi.

Late 49:16

Mi khatpeuh a hauh ciang ahi a, a innkuan minthanna a khan ciang ahi zongin lau-in lunghihmawh dingin ngaihsun tuan kei in.

Hosea 7:10

Israel mite’ kiphatsakna in amau’ langkhatah teci pang hi. Ahi zongin hih thu khempeuhah zong, amau’ Topa Pasian ahi kei’ lamah hong kihei tuan lo uh a, kei hong zong lo uh hi.