Hosea 12:8 - Tedim Bible

⁸ Israel mite in, “Tu-in ka hau uh a, kote a dingin neihsa tampi ka ngah uh hi,” ci uh hi. Ahi zongin a hauhnateng un a mawhnateng uh loh zo lo hi.

Tedim Bible Revision 2017

⁸ Israel mite in, “Tu-in ka hau uh a, kote adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Hosea 12:8 Referans Kwoze

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauhtheih nading lampi bekin a ngaihsun mite in a tawntungin kitot kiselna a piangsak uh ahi hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuusa zuak uh a, ‘Topa in thupha ngah tahen. Tu-in i hauta hi,’ ci uh hi. A tuucingte mahmah in a tuute uh hehpihna nei lo uh hi.

Paunak 30:20

A citak lo zi hih bangin gamta hi: Midang tawh khialin tua ciangin kisilsiang a, “Khialhna bangmah gamta kei ing,” ci khem hi.

Paunak 30:12

Amaute a nin mahmah hinapi-in amau’ muhna-ah siang a kisa mahmah mi pawlkhat om hi.

Late 52:7

“Pasian a bel lo, ama hauhnate a muang, ama hauhna a bel pa en un,” hong ci ding uh hi.

Late 49:6

Mite in a hauhna uh muangin, tampi a neihna uh a kisaktheihpih hangun,

Thu-hilhkikna 8:17

Na lungsim uhah, ‘Ka vangliatna uh le ka thahatna un hih hauhna hong ngahsak hi,’ ci kha ding na hih manun kingaihsun un.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Luka 16:13

“To nih’ na a semkhawmzo nasem kuamah om lo hi. A to khat mudahin khat it ding a, khat beelin khat a simmawh ding hi. Pasian’ na le leitung sum na na semkhawmzo kei ding uh hi,” a ci hi.

Luka 12:19

Tua ciangin keimah in: Mi hampha mahmah ka hi hi. Kum tampi sung ka khom ding annek tuidawn le na hoih tampi ka nei hi. An ne, zu ne-in, a nuam theithei-in ka om hithiat ding hi,’ ci hi.

Luka 10:29

Ahi zongin Thukham hilh siapa amah kitangsak nuam ahih manin Jesuh kiangah, “Ka vengte i cih kuate ahi hiam?” ci-in a dong hi.

Malakhi 3:13

Topa in hih bangin ci hi: “Kei tawh kisai-in na kampaunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in biakpiakna zong a pia uh hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Malakhi 2:17

Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uhleh, “Thutang a gen Pasian koi lai-ah om ahi hiam?” ci-in na dotnate uh tawh na gimsak uh hi.

Ezekiel 28:5

Sumbawl na siamna tawh na hauhna na behlap a, na hauhna na kisaktheihpih hi.

Hosea 4:8

Ka mite’ mawhna amaute in hauhlawh uh a, ka mite a mawh semsem ding uh a ut uh hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 14:1

Israel-te aw, note’ Topa Pasian’ lamah kihei kik un. Na mawhna hangun note na puk khin uh hi.

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Jeremiah 5:27

Bawm sung dimin vasa a kikhum bangin khemna tawh a ngah uh vante tawh a inn uh a dim hi. Tua ahih manin amaute lianin hau mahmah uh a, thau-in a mai uh a zol hi.

Amos 8:5

Note in na lungsim sung uhah, “I ante i zuak theih nadingin zumkhak hun bei ding i ngaklah hi. I mangbuhte i zuaktheih nadingin cik ciangin Sabbath ni bei ding ahi hiam? I antehna seu neuseekin sum tampi i ngen nuam a, tawikhaina man lo zangin a hong leite i khem nuam hi.