Biblia Todo Logo
Bib sou entènèt

- Piblisite -




Hosea 12:2 - Tedim Bible

2 Topa in Israel mite a mawhsakna ding a thu om hi. Jakob a gamtatna tawh kizui-in gim pia ding a, ama gamtatna bangin thukkik ding hi.

Gade chapit la Kopi

Tedim Bible Revision 2017

2 Topa in Israel mite a mawhsak nading a thu om hi. Jakob a gamtatna tawh kizui-in gim pia dinga, ama gamtatna bangin thukkik ding hi.

Gade chapit la Kopi




Hosea 12:2
32 Referans Kwoze  

No mual liante le a kip tawntung leitung bulpite aw, Topa’ thu ngai un. Topa in ama mite tawh thu nei a, Israel tawh thu kisel ding hi.


Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.


Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.


Pasian a kikhemzo dingin ngaihsunkha kei un. Mi khempeuh in ama vawh nam khaici mah ngahkik ding hi.


Bang hang hiam cih leh Pasian in mi khempeuh a gamtatna uh tawh kizui-in thukkik ding hi.


A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.


Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.


Mite’ thuak dingin a kilawm gimna mah siampite in zong thuak ding uh a, amau’ gamtatna bangin gim pia-in amau’ siatna bangin ka thukkik ding hi.


Kei hong mangngilh tanvei sung, Baal pasian tungah paknamtui a hal tanvei sung, le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.


A awging, leimong dongah kithawn ding hi; bang hang hiam cih leh gamte’ langkhatah Topa pang hi. Amah in mi khempeuh thu sit ding a, namsau tawh migilote a thatlum ding hi, Topa in ci hi,’ na ci ding hi.


Amau’ gamtatna bangin amah in thukkik ding a, amah a langpangte gim pia ding hi. Ama galte a thukkik ding hi. A gamla pekah a om tuipi gei-a gamte zong a thukkik ding hi.


Tua ni ciangin Topa in vantung a om mihonpite le leitung kumpite gim pia ding hi.


Topa in Zion Mual le Jerusalem khua-ah ama nasep dingteng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.


Migilo in gimna ngah ta hen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.


A gamtatna uh gentheih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in gim a pia ding hi.


Amau’ gamtatsiatna khempeuh ka phawk lamtak amaute in ngaihsutin neikha lo uh hi. Amau’ mawhna in amaute gakcip a, ka muhna mahmahah om gige uh hi.


Topa in hih bangin gen hi: Amau’ gamtatsia khempeuh Gilgal phual pan a kipan hi a, tua mun a kipanin amaute ka muhdah a kipan ahi hi. Amaute’ gamtatsiatna hangin gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.


Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.


Ahih hangin Assiria kumpipa in Hoshea a zuautatna mu hi; bang hang hiam cih leh amah in Egypt kumpipa So kiangah kamtaite sawlsim a, a kumkumin ahih ngeisa bangin Assiria kumpipa tungah siah pia nawn lo hi. Tua ahih ciangin Assiria kumpipa in amah man a, thong sungah koihin a hencip hi.


“Job aw, mawk paupau kei in! Nang’ pau bangin mipilte pau ngei lo a,


Ahih hangin amaute in a kampi bek uh tawh amah phatkhem uh a, a leii uh tawh ama tungah zuaugen uh hi.


I nute’ sung panin bangmah nei loin guaktangin i suah mah bangin guaktang mahin i ciahkik hi. I sepsate i ciahpihkik theih bangmah om lo hi.


Negeb gam a om ganhingte tawh kisai thu hih bangin gen hi: Amaute in humpinelkai nu le humpinelkai pa, gul gunei le a leeng thei gulpi a omna, lungkhamna le gimna gam nawkin, amau’ hauhnate la nungzangah amau’ sumte kalaoh tungah suanin, amaute tungah phattuamna bangmah a pia thei lo mite tungah a puak uh hi.


Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.


Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.


A hon lak panin a taikhia, a thumang lo gam la bangin Assiria mite tung panin huhna a ngen dingin va tai uh hi. A huh ding uh a deihna-in midangte tungah amau pumpi a va zuak uh hi.


Tua bangin minam dangte a cial hangun keimah in amaute kaikhawmin gim ka pia veve ding hi. Assiria kumpipa’ bawlsiatna tawh a sawt loin gimna a ngah ding uh hi.


Swiv nou:

Piblisite


Piblisite