Hosea 11:9 - Tedim Bible

⁹ Ka heh manin gim kong pia kei ding a, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong omkhawm a, a hehsa-in note kiangah kong pai kei ding hi.

Tedim Bible Revision 2017

⁹ Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.

Hosea 11:9 Referans Kwoze

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Jeremiah 30:11

Bang hang hiam cih leh Topa in kong cihin-ah, a hong honkhia dingin note kong ompih hi. Note ka hong thehthangna gamte khempeuh ka susia ding a, ahih hangin note kong susia kei ding hi. A kilawm zahin kong thuhilh ding a, gim pia loin kong mawk nusiat kei ding hi.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Malakhi 3:6

“Kei, Topa ka hi a, lungsim a kheel lo mi ka hi hi. No Jakob suanlekhakte aw, a siacimit na hi nai kei uh hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik ding a, lungsim takpi tawh amaute ka it ding hi.

2 SAMUEL NIHNA 20:10

Ahih hangin Amasa in Joab’ khutsunga om namsau mu lo hi. Tua ahih ciangin Joab in a namsau tawh a pumpi sat a, nihvei sat kul loin a gilpi leilakah buakhia hi; tua ciangin Amasa a si hi. Tua ciangin Joab le a sanggampa Abishai in Bikhri’ tapa Sheba delh uh hi.

Isaiah 48:9

Note khempeuh kong suksiat khak loh nadingin ka min ka ngaihsutna tawh ka hehna diahin, keimah hong kiphatna ka ngaihsutna-in note tungah ka ki-ip hi.

Late 78:38

Ahi zongin amah in hehpihna lungsim nei ahih manin amau’ khialhnate maisakin, amaute susia lo hi. Amah in a hehna ip zelzel a, a hehna khempeuh phongkhia lo hi.

1 SAMUEL MASA 26:8

Tua ciangin Abishai in David kiangah, “Pasian in na gal pa tuni-in na khut sungah hong pia ahih ciangin tu-in teipi-in lei tawh khatvei bek hong khawhcipsak in, nihvei khawh ding kisam lo hi,” a ci hi.

Thu-hilhkikna 13:17

Tuni-a kong gen ama thupiaknate khempeuh zui-in Topa na Pasian uh mai-ah a manin gamtatna tawh Topa na Pasian uh’ aw na ngaih uhleh, na pu na pate uh tungah a ciamsa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-apsa na khat beek zong note a dingin na kem kei ding uh hi.

Late 46:5

Ama laizangah Pasian om a, amah a kiling kei ding hi. Pasian in phalvak tungin amah huh ding hi.

Isaiah 5:24

Tua ahih ciangin mei in buhkung keute kangtum a, meikuang sungah lopa keute a kattum bangin amaute’ zung pen muatgawp ding a, amaute’ pakpalhte leivui bangin vanah leengto ding hi. Bang hang hiam cih leh amaute in Vanglian Topa’ thu nialin Israel-te’ Siangtho Pa’ thu a simmawh uh hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Isaiah 41:16

Amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israel-te’ Siangtho Pa’ hangin na minthang ding uh hi.

Jeremiah 26:3

Amaute in na thugen hong ngai-in, a gitlohna uh pan kihei khathei ding uh hi. Tua hileh amau’ gitlohna hanga amaute suksiat dingin ka ngaihsutsa ka kheelkik ding hi.

Late 85:4

Kote hong honkhia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.

Hosea 12:1

Israel mite, a nung kawikawi huih tawh kibang a, sun thapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.