Hosea 11:1 - Tedim Bible

¹ Israel a neu lai-in ka it mahmah a, Egypt gam panin ka tapa ka samkhia hi.

Tedim Bible Revision 2017

¹ Israel a neu lai-in ka it mahmah a, Egypt gam panin ka tapa ka sam khia hi.

Hosea 11:1 Referans Kwoze

Mattiu 2:15

Herod a sih hun ciang dong tua gamah a va om uh hi. Kamsangpa tungtawnin Topa in, “Egypt gam panin ka Tapa ka samkhia hi,” ci-in a genna thu a tun nadingin hih bangin a piang ahi hi.

Paikhiatna 4:22

Nangmah in Faro’ kiangah, ‘Topa in hih bangin ci hi: Israel pen ka tapa a suak masa hi a,

Hosea 13:4

Kei pen Egypt gam panin note a hong paikhiatpih note’ Topa Pasian ka hi hi. Tua hun lai-in kei simloh Pasian dang na thei kei uh a, note a hong honkhia pa kei bek ka hi hi.

Hosea 2:15

Tua lai panin a leenggui lote ka piakik ding a, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungakno hun lai mah bangin ka thugennate hong ngai ding hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Hosea 12:13

Topa in kamsang khat zangin Egypt panin Israel-te paikhiatpih a, kamsang khat’ nasepna tawh amaute suakta-in a nungta uh hi.

Ezekiel 16:6

“Tua ciangin na kiangah kong paikha a, sisan naisan lakah na kitomtom kong mu hi. Tua bangin na om laitakin na sih loh nadingin thu kong pia hi.

Thu-hilhkikna 7:7

“Topa in note hong itin hong teelna pen midangte sangin na tamzawkna hang uh hi lo hi. Bang hang hiam cih leh mi khempeuh lakah a tawmpen na hi uh hi.

Hosea 12:9

Egypt gamah na omlai pek uh a kipanin kei pen note’ Topa Pasian ka hi a, ahi zongin tu-in tanglai hun bangin puanbuk sungah note kong tengsakkik ding hi.

Paikhiatna 4:23

nangma kiangah, “Amah in kei hong biak theih nadingin ka tapa paisak in,” kong ci hi. Amah paisak ding na nial leh, en in, na tapa a suak masa ka that ding hi, ci hi,’ ci in,” a ci hi.

Late 129:1

“Ka neu lai a kipanin nakpitakin amaute in kei hong gimsak uh hi,” Israel in tu-in ci tahen.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paimangta hi. Ka it mahmah ka mite, a galte uh’ khut sungah ka piata hi.

Hosea 10:15

Israel mite aw, note’ gamtat hoih lohna hangin tu-a bang teekin note tungah thu hong piang ding hi. Galdo a kipat phetin Israel kumpipa si pah ding hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

Isaiah 43:4

Nang pen keima mitah manpha-in, pahtakhuai-in, nangmah hong it ka hih manin nangma tangin mite ka pia a, na nuntakna khek nadingin mihingte ka pia hi.

Ezekiel 16:22

Hih bangin numei paktat nuntakna tawh a mindaihuai-in na om laitakin na neulai thu, guaktangin na omlai, sisan naisan lakah na kitomtom lai thu na phawkkha kei hi.