Hosea 10:4 - Tedim Bible

⁴ Amaute a kampi bek uh hi a, a kampi bekun thu genin thuciamna a bawl uh hi. Lolai-a tu-ma-kuakte sungah gunei kiak a po mah bangin thusia neihna hong khang hi.

Tedim Bible Revision 2017

⁴ Amaute a kampi bek uh hi a, a kampi bekun thu genin thuciamna a bawl uh hi. Lo lai-a tu-ma-kuakte sungah gunei kiak a po mah bangin thusia neihna hong khang hi.

Hosea 10:4 Referans Kwoze

Amos 6:12

Sakolte, suangkeen tungah tai thei ngei a, bawngtalte tawh tuipi tung kikho thei ahi hiam? Tua hinapi-in note in thutang, gu na suaksak uh a, thuman, a khial na suaksak uh hi.

Amos 5:7

Thutang lumletin thuman mite lei a denna, note a dingin bangzahin nasia ding ahi hiam?

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh behlaplap uh hi.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

2 TIMOTI NIHNA 3:3

mi khual loin, hehpihna nei loin, mi gensia-in, ngongtatin, kihtakhuai-in, thuhoih deih loin,

ROM (Romans) 1:31

gamtatsiatna, ciampelna, midangte khual lo, hehpihna nei loin, a sia namkim a gamta uh hi.

Sawltak 8:23

Bang hang hiam cih leh nangmah in enluatna lungsim nei-in, mawhna in hong valhcip mi khat na hih lamtak ka hong thei hi,” a ci hi.

Hosea 6:7

Ahi zongin ka ciamna gam a tun uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Thu-hilhkikna 29:18

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian a bia dingin Topa i Pasian kiang panin tuni-in a lungsim a heikhia a omkhak ding kidawm un. Tua hikeileh note lakah gu a nei gah kha a gah singkung hong bang ding a, hih kiciamna kammalte za napi-in a lungsimah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih le misia, a kibangin phiatkhiatna hong suaksak ding hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hita hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel ding a, amaute beimang ding uh hi. Tua ni ciangin amaute in, ‘Eite’ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.